Փաստ ինֆո

Արեւածաղկի սերմերի շատ օգտագորման  ողջամիտ քանակությունը կարող է օգտակար լինել օրգանիզմի  համար: Այս մասին պատմում է «Ռամբլեռը»:

Սերմերի ընդամենը 50 գրամը կարող են ապահովել օրգանիզմի օրական E վիտամինի պահանջը: Այս վիտամինը կանխում է աթերոսկլերոզի զարգացումը՝ օգնելով պահպանել սրտի մկանների նորմալ աշխատանքը։ Եթե դուք ուտեք 100 գրամ սերմ ամեն օր, կարող եք կանխել ոչ միայն աթերոսկլերոզը, այլեւ սրտամկանի ինֆարկտը, նվազեցնել խոլեստերինի մակարդակը արյան մեջ:

Բացի այդ, արեւածաղկի սերմերը պարունակում են մագնեզիում: Այն վերացնում է մկանային ցավերը, հեւոցը, հոգնածությունը, ինչպես նաեւ հանգստացնում է նյարդերը, նվազեցնում է արյան ճնշումը եւ օգնում է ազատվել միգրենից:

Հետաքրքրաշարժ է, որ արեւածաղկի սերմերը A, E, D եւ B խմբերի վիտամինների մի ամբողջ պահոց են: Ուստի զարմանալի չէ, որ սերմերը արդյունավետ կիրառություն են գտել կոսմետոլոգիայում: Դրանք ծերացման գործընթացը դանդաղեցնող գերազանց միջոց են, բարենպաստ ազդեցություն են ունենում տեսողության եւ մաշկի վիճակի վրա: Ենթադրվում է, որ դեռահաս տարիքում սերմերը կարող են օգնել ազատվել պզուկներից:

Սակայն, չարժե  տարվել արեւածաղկի սերմերի օգտագործմամբ: 300 գրամ քաշով սերմերի քանակը հավասարեցվում է կալորիաների օրական նորմին, իսկ դա կարող է զգալի հարված հասցնել կազմվածքին:

Հարկ է նշել, որ սերմերը խորհուրդ չի տրվում ուտել այն մարդկանց, ովքեր տառապում են գաստրիտով, հաստ աղիքի բորբոքումով, պանկրեատիտով եւ ստամոքսի խոցով: Մեծ քանակությամբ սերմերի օգտագործումը կարող է առաջացնել մարսողական օրգանների հիվանդությունների սրացում:

Աղբյուր` Փաստինֆո