Փաստ ինֆո

Կառավարությունը մեզ նայում է որպես ընդդիմադիր։ Այս մասին ասուլիսին ասել է «Մեզ բացակա չդնեք» ՀԿ նախագահ Սաթիկ Խլղաթյանը։

«Ինչու ենք ընդդիմադիր դարձել։ Ինչու եք մեզ ընդդիմադիրի աչքերով նայում։ Մեր ո՞ր լավ արարքի համար, մեր տղաների ո՞ր լավ արարքի համար։ Կամ դուք մեզ համար ինչ լավ բան եք արել ։ Նախկին իշխանությունն էլ չի արել, դու էլ չես անում։ Ոչ մի տարբերություն չկա, ոչ դու ես արել, ոչ նախկինն է արել »,- ասաց նա։

Նրա խոսքով՝ ոչ մի ազատամարտիկի ընտանիքի համար ոչ մի աջակցություն չի ցուցաբերվում։

«Կանչում են վերև։ Վարչապետն ընդունում է։ Պետք է մի 10 րոպե էլ կանգնես դրոշի տակ, որ վարչապետն ընդունի ձեզ։ Վարչապետն էլ ընդունում է, շոյում ու ճանապարհում, հանձնարարում է իր օգնականներին, նրանք էլ իրենց հավեսին, ցրելով, ջերմ բառերով շոյում ու ճանապարհում է»,- ասաց նա, ապա ավելացրեց. «Բա մարտի 1-ի դեպքերով, որ դուք այդ գումարները տվեցիք, իրենք ընդդիմադիր չէին»։

Խլղաթյանը, հղում կատարելով օդում կախված լուրերին, ասաց, որ 10 մլն դրամ են տալիս, որ գնան և նստեն Ռոբերտ Քոչարյանի գործով դատական նիստերին։

«10 մլն դրամ են տալիս, որ գնան դատարաններում ինչ-որ ցուցմունք տան, ես դա կարդացել եմ՝ իմ աչքով, չեմ կարող պնդել, բայց 10 մլն դրամ են առաջարկում, որ գնան նստեն Քոչարյանի դատին։ 10 մլն դրամը տուր ժողովրդին, ինչու ես տալիս իրենց, ես քեզանից կաշառք չեմ ուզում, ես քեզնից այլ մոտեցում չեմ ուզում»,- ասաց նա։

Աղբյուր` Փաստինֆո