Փաստ ինֆո

ԱՄՆ-ի հետաքննությունների դաշնային բյուրոն եւ ազգային անվտանգության Դեպարտամենտը չինացի հաքերներին կասկածում են COVID-19 պատվաստանյութի մասին տվյալները գողանալու փորձի մեջ, որոնք ամերիկացի գիտնականները ստացել են հետազոտության արդյունքում: Մոտ ժամանակներս նախատեսվում է Չինաստանին հրապարակային նախազգուշացում անել, հաղորդում է The New York Times-ը:

Պարբերականի տեղեկատվության համաձայն՝ ԱՄՆ-ի իշխանությունները մտադիր են ՉԺՀ-ին մեղադրել «ապօրինի միջոցների օգնությամբ մտավոր սեփականության եւ առողջապահության բնագավառի, բուժման եւ թեստավորման հետ կապված արժեքավոր տվյալների» որոնման մեջ: Բացի այդ, նշվում է, որ չինացի հաքերներին տեղեկատվության գողության փորձի մեջ մեղադրելու որոշումը զսպման ավելի լայն ռազմավարության մի մասն է, որում ներգրավված են նաեւ ԱՄՆ-ի կիբեռհրամանատարությունն ու ազգային անվտանգության գործակալությունը:

Պարբերականը նաեւ նշում է, որ պատրաստվող նախազգուշացումը կարող է նույնպես գնահատվել որպես ԱՄՆ-ի նախագահ Դոնալդ Թրամփի վարչակազմի՝ ՝ Չինաստանին կորոնավիրուսի տարածման եւ համաճարակի հետեւանքների օգտագործման մեջ մեղադրելու փորձերի շարքի կրկնություն:

Ավելի վաղ՝ մայիսի 11-ին, հայտնի էր դարձել, որ ԱՄՆ-ում տասնյակ ամերիկացիներ եւ մի քանի ընկերություններ փորձում են դատի տալ Չինաստանին կորոնավիրուսի տարածման համար: Ութ հայցերը պոտենցիալ խմբային հայցեր են, որոնք կարող են միավորել հազարավոր մարդկանց եւ ձեռնարկությունների: Հայցերից մեկում փաստաբաններ Մեթյու Մուրը եւ Ջերեմի Ալտերսը Չինաստանի Կոմունիստական կուսակցության հայցը ներկայացնում են որպես կառավարությունից առանձին կազմակերպությանը:

Չինաստանը բազմիցս խիստ քննադատության է ենթարկվել ամերիկյան կողմից։ Մարտին Թրամփը Պեկինին մեղադրել էր կորոնավիրուսի բռնկման մասին համաշխարհային հանրությանը անժամանակ տեղեկացնելու մեջ։ Նրա խոսքերով՝ ավելի լավ կլիներ, եթե այլ երկրների իշխանություններն այդ մասին մի քանի ամիս շուտ իմանային։ Ապրիլի սկզբին ամերիկյան հետախուզությունը Սպիտակ տանը գաղտնի զեկույց էր ներկայացրել, որում ասվում էր, որ Չինաստանը թաքցնում է երկրում կորոնավիրուսի համաճարակի իրական մասշտաբները:

Աղբյուր` Փաստինֆո