Փաստ ինֆո

Էդմոն Մարուքյանը երեկ հրավիրել է ՀՀ արտգործնախարարին, սուրճ են խմել և զրուցել Արցախի հիմնախնդրի հետ կապված մտահոգությունների, շահարկումների վերաբերյալ, այսօր էլ՝ վարչապետին է հրավիրել՝ նույն թեմայով։ Այս մասին լրագրողների հետ զրույցում ասաց «Լուսավոր Հայաստան» կուսակցության ղեկավար Էդմոն Մարուքյանը։

Նշենք, որ ԱԺ-ում տեղի է ունեցել ՀՀ վարչապետ Նիկոլ Փաշինյանի ու «Լուսավոր Հայաստան» խմբակցության ղեկավար Էդմոն Մարուքյանի հանդիպումը:
Մարուքյանի խոսքով՝ Արցախի հարցն այն հարցն է, որը բոլորին է հետաքրքրում, այդ մասով տարաձայնություն չկա։

«Երեկվա հարց ու պատասխանի ժամանակ արված հայտարարությունը՝ հայ ժողովրդի ցանկությունների հետ կապված՝ Արցախի ինքնորոշման հարցի հետ կապված։ Ժամանակ առ ժամանակ կարծում եմ կարիք կա նման քննարկումներ ունենալու, ճշտումներ անելու»,- ասաց Մարուքյանը՝ հավելելով, որ Արցախի հիմնախնդրի վերաբերյալ շահարկումները փարատված են։

Նրա խոսքով՝ այն ինչ հրապարակային հայտարարվել է, դրանից այն կողմ բան չկա։
Մարուքյանը նշեց, որ շատ ուշադիր հետևում են և պետք է նաև կարողանան դրա հետ կապված դիրքորոշումը ձևակերպել։

«Պատկերացրեք՝ մենք չունենք բավարար ինֆորմացիա, բավարար ինֆորմացիա չունենալով ուզում ենք դիրքորոշում ձևավորել, կարո՞ղ ենք, կարծում եմ՝ ոչ»,- ասաց նա։

Հարցին, թե արդյո՞ք վարչապետն ասել է, որ բանակցությունների սեղանին չկա փուլային տարբերակ, Մարուքյանն ասաց, որ այս պահին մտահոգություն չունի Արցախի հիմնախնդրի հետ կապված։

Նա նշեց, որ հայտարարվեց այնպես, որ եթե ինչ- որ որոշում կլինի, կգան խորհրդարան, Արցախ և հրապարակային քննարկումներ կսկսվեն։ Նրա կարծիքով՝ դրան դեռ երկար սպասելու ենք, որովհետև հանգհել այնպիսի որոշման, որ երեք կողմերին բավարարի և բոլորը համակարծիք լինեն։

Մարուքյանը նշեց, որ Արցախը հանձնելու մասին հայտարարություններին լուրջ չի վերաբերվում։

«Եթե Արցախը հանձնելու հարց կառաջանա, ես իմ երևակայության մեջ նման իշխանություն չեմ պատկերացնում»,- ասաց Մարուքյանը։

Աղբյուր` Փաստինֆո