Փաստ ինֆո

ՀՀ վարչապետ Նիկոլ Փաշինյանը հայտարարել է, որ պետական ծառայողների աշխատավարձը բարձրացվել է իր որոշմամբ, սակայն դա արվում է պարգեւավճարի տեսքով։

«Կրկին ցանկանում եմ անդրադառնալ պետական ծառայողների և պաշտոնյաների աշխատավարձի բարձրացմանն ու ընդգծել, որ, այո, իմ որոշմամբ է դա տեղի ունեցել։ Դա տեղի է ունեցել, որովհետև Հանրապետության հրապարակի հեղափոխության հարթակից ես խոստացել եմ, որ պետական ծառայողների աշխատավարձերը կբարձրանան։ Այս մասին այսօր ԱԺ-ում ասաց ՀՀ վարչապետ Նիկոլ Փաշինյանը։

Նա նշեց, որ պաշտոնյաներին հավելյալ գումար է տրամադրում պարգևավճարների և ոչ թե աշխատավարձերի համակարգով, քանի որ գործող աշխատավարձերի համակարգը իր ստեղծման առաջին օրից դեֆորմացված է։

«Հանրային ծառայության բարեփոխումների շրջանակներում այս ողջ պրոցեսը, որը մենք դե ֆակտո իրականացնում ենք որպես աշխատավարձ, դե յուրե որպես պարգևավճար, ձեր հաստատմամբ կտրանսֆորմացնենք որպես աշխատավարձի համակարգ»,-ասաց Փաշինյանը։
Նա շեշտեց՝ պլանավորվում է պետական կառավարման համակարգում, հատկապես դատական համակարգում ավելացնել աշխատավարձերը. «Մենք համոզված ենք, որ դա է ճանապարհը Հայաստանում արդյունավետ, անկախ դատական համակարգ ունենալու համար»։

Աղբյուր` Փաստինֆո