Փաստ ինֆո

Ահազանգ չունենք, որ շուկայում ՀԴՄ սարք չկա։ Շուկան ազատականացված է։ Այս մասին այսօր մամուլի ասուլիսի ժամանակ ասաց Պետեկամուտների կոմիտեի փոխնախագահ Միքայել Փաշայանը՝ անդրադառնալով հարցին, որ այս պահին նոր սերնդի ՀԴՄ սարքեր չկան կան բավականին բարձր գնով են վաճառվում։

«Փետրվարի 21-ին ՊՈԱԿ-ն արդեն 3 կազմակերպության տվել է համապատասխան եզրակացություն, որ այդ կազմակերպություններն իրենց ՀԴՄ-ներով կարող են մտնել շուկա։ Կազմակերպություններից մեկն արդեն 529 հատ վաճառել է, մյուս կազմակերպությունը վաճառել է 83 հատ, մյուս կազմակերպության վաճառքի հետ կապված տեղեկատվություն չկա»,-ասաց Միքայել Փաշայանը։

Միքայել Փաշայանը նաև հավելեց, որ Կենտրոնական բանկի հետ քննարկում են վիրտուալ ՀԴՄ-ի գաղափարը։ Նրա խոսքով դա նոր համակարգ է, որն արդեն ստեղծված է ՊԵԿ-ում. «Սպասում ենք, որ բիզնեսն ինտերգրվի այդ համակարգի հետ։ Համակարգը հնարավորություն է տալու էլեկտրոնային ծառայություններ մատուցող կազմակերպություններին։ Համավարակի պայմաններում շրջանակը մի քիչ ավելի լայնացրեցինք։ Բոլոր այն կազմակերպությունները, որոնք ծառայություն են մատուցում հեռախոսի միջոցով, պատվերներ են ստանում տարբեր եղանակներով, դա էլեկտրոնային ՀԴՄ-ն է, որն ինտեգրվում է իրենց ներսի էլեկտրոնային համակարգի հետ և տեղեկատվությունն օնլայն եղանակով ֆիսկալավորվում է ՊԵԿ-ում և ՀԴՄ-ն վայրկյանների ընթացքում կարող են տպել»,-ասաց ՊԵԿ փոխնախագահը։ Նա նշեց, որ թվայնացման մասով աշխատանքները շարունակվելու են։

Աղբյուր` Փաստինֆո