Փաստ ինֆո

Սպայի նվիրվածությունն իր պետությանը, հայրենիքին, փորձել որևէ կերպ կասկածի տակ դնել, այն էլ այնպիսի սպայի, որը ԱԱԾ տնօրեն է եղել, դա զուրկ է ընդհանրապես որևէ կանոնից: Այս մասին լրագրողների հետ ճեպազրույցում ասաց Արսեն Բաբայանը:

Ավելի վաղ տեղեկացրել ենք, որ Արսեն Բաբայանը դիմում է ներկայացրել ՀՀ գլխավոր դատախազություն՝ պահանջելով պատասխանատվության ենթարկել ԱԺ պատգամավոր, Նիկոլ Փաշինյանի աներորդի Հրաչյա Հակոբյանին և իրավական գնահատական տալ վերջինիս հայտարարությանը:

«Դատախազությունը, որպես հանցագործությունների դեմ պայքարի օղակ, պետք է առնվազն քրեական դատավարության ընթացակարգով ստուգման ենթարկի հայտնած տեղեկությունները: Չմոռանանք նաև, որ Հրաչյա Հակոբյանն իր հայտարարության վերջին հատվածում արդեն ոչ թե հարցի եղանակով, այլ որպես հաստատբված հանգամանք կեղծ տեղեկություն է հաստատում, թե գուցե վարչապետը քրեական գործ հարուցելուց հրաժարվել է, որովհետև դա կապ կարող է ունենալ մեր արտաքին հարաբերությունների հետ: Ստացվում է, որ վարչապետը կամ ՀՀ իրավապահ մարմինները կարող են պարտակել հանցագործություն։

Մյուս կողմից, ստացվում է, որ Հրաչյա Հակոբյանը կատարում է սուտ մատնություն։ Երրորդ կողմից էլ, որը հնարավոր չէ, գործ ունենք իբր լուրջ հանցագործության հետ։ Այս երեք ուղղություններով էլ իրավական պատասխանատվություն կիրառելու համար դիմել եմ ՀՀ գլխավոր դատախազին »,-նշեց Բաբայանը:

Հիշեցնենք՝ երեկ ՀՀ գլխավոր դատախազը հայտարարել է, որ ԱԱԾ նախկին տնօրեն Ա.Վանեցյանի՝ արտասահմանյան հատուկ ծառայությունների հետ ամագործակցելու վերաբերյալ տվյալներ, քրեական վարույթ չկա։

Աղբյուր` Փաստինֆո