Փաստ ինֆո

ՀՀ վարչապետ Նիկոլ Փաշինյանը հայտնել է, որ Կառավարությունը քննարկումների արդյունքում ընդլայնել է էլեկտրաէներգիայի, գազի և ջրի կոմունալ վճարների փոխհատուցման ծրագիրը:

«Մինչև հիմա աջակցել էինք մինչև 10 հազար դրամ էլեկտրական էներգիայի սպառում ունեցող բաժանորդներին, հիմա որոշել ենք աջակցել նաև այն սպառողներին, ովքեր ունեն 10001 դրամից մինչև 25 հազար դրամ էլեկտրաէներգիայի սպառում փետրվար ամսվա համար և 30 հազարից մինչև 40 հազար դրամ գազի սպառում»,-այս մասին այսօր ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանն ու հայտնեց, որ Կառավարությունն այս սպատողների վճարների 30 տոկոսը կփոխհատուցի:

«Այս պարագայում կունենանք 207 հազար 837 էլեկտրաէներգիայի բաժանորդ և 81 հազար 697 գազի բաժանորդ»,- ասաց վարչապետը:

Նիկոլ Փաշինյանը միաժամանակ նշեց, որ չգազաֆիկացված 310 գյուղերի բնակիչների համար էլեկտրաէներգիայի ծախսը կառավարությունը կփոխհատուցի 50 տոկոսով՝ չհաշված նախկին փոխհատուցումները:Հանրագումարով ստացվում է, որ ծախսը ընդհուպ մինչև 70 տոկոս կարող է փոխհատուցվել

«Եվ ըստ երրորդ կետի՝ այն բաժանորդները, որոնք մարտ ամսվա համար մինչև 3000 դրամ ջրի սպառում են ունեցել, նրանց վարձավճարի 50 տոկոսը ևս գործադիրը կփոխհատուցի: Այս պարագայում շահառուների թիվը 424 հազար 972 է»,-ասաց վարչապետը:

Աղբյուր` Փաստինֆո