Փաստ ինֆո

Տարիներ շարունակ Մասոնության տարբեր օթյակներ փորձել են հաստատվել ու ամրապնդվել Հայաստանում։ Ավելին՝ ամեն տարի տեղի էին ունենում հավաքներ՝ Երեւանի Մարիոթ հյուրանոցում։  «Փաստինֆո» -ի զրուցակիցն է կանոնավոր օթյակի ներկայացուցիչը՝  «Օգնական Գերագույն Վարպետ Հյուսիսային Ամերկայի, Գերագույն Օթյակ Հայոց», ազգությամբ հայ   Էրիկ Հանանը։

- Աշխարհում այսօր շատ գլոբալ փոփոխություններ են տեղի ունենում։Դրանք անդրադառնում են մասոնական օթյակների գործունեության:

- Մասոնությունն առաջադեմ  բարոյագիտություն է,  և դրա ուսուցման նպատակը  լավ անհատին ավելի լավը դարձնելն է: Մասոնությունը իր սկզբունքային կառուցվածքով կիրառել  է մանավանդ ներկայիս փոփոխություններին: Մասոնությունը ամեն մի անհատի համար չէ, և ամեն անհատ մասոնության հարմար չէ: Որմնադրությունն ունի իր սկզբունքներն ու խիստ կարգապահությունը:

-Պատրաստվո՞ւմ եք Ձեր հնարավորությունները ներդնել համաշխարհային տնտեսական ճգնաժամին առավել կառավարելի դարձնելու համար։ Եթե այո ապա՝ ինչպես։

-Մասոնությունը ինչպես ասացի բարոյագիտություն է, ոչ բարեգործական կազմակերպություն, յուրաքանչյուր անհատ անում է իր կամքով և կարողության՝ ինչ-որ նրանց սրտից  կբխի: Չնայած, ինչպես նշեցի, մասոնությունը բարեգործական կազմակերպություն չէ, այնուամենայնիվ, տարեկան հարյուրավոր միլիոն դոլարի բարեգործական ծրագրեր են իրականացնում համայն աշխարհով,  քանի որ  մեր երեք հիմնական սկզբունքներից մեկը հենց բարեգործությունն է, հետեւյալ սկզբունքներն են`Եղբայրասիրություն, Բարեգործություն  և ճշմարտություն:

Շրայներները, որ Մասոնական մարմին են, կառուցել են ավելի քան 22 հիվանդանոց, որոնք նախատեսված են մանուկների համար, այնտեղ բուժօգնությունը և մնացած բոլոր ծառայությունները ամբողջովին անվճար են, ինչպես նաև հանդիսանում են որպես տուն.հաշմանդամություն ունեցող այն երեխաների համար, որոնք հատուկ հոգատարության կարիք ունեն: Մասոնական մեկ այլ կառույց՝  Շոտլանդական  ծեսի  Մարմինն է, որը  բարեգործությամբ  ծառայել է այն  երեխաների կարիքներին, որոնք ունեն  խոսելու դժվարություն: Այդ նպատակով Շոտլանդական Ծեսի կողմից  ստեղծվել  է լեզվի զարգացման կենտրոններ, որը նույնպես գործում է անվճար հիմունքներով : Ունենք նաև Յորք Ծեսի մարմինը, որը բազմաթիվ բարեգործական ծրագրեր է իրականացնում օգնություն ցուցաբերելով առողջական խնդիրներ և, հատկապես, աչքի հիվանդության բուժման կարիքներ ունեցող անձանց, և այս ամենը կատարվում է Օթյակների և Գերագույն Օթյակների հարյուրավոր միլիոն դոլարների նվիրատվությունների կողքին։

- Հետեւում՞  եք Հայաստանում տեղի ունեցող քաղաքական զարգացումներին,և ինչպե՞ս եք գնահատում հետհեղափոխական Հայաստանի ներքաղաքական իրավիճակը։

-Ազատ Որմնադրության ուսմունքներում մեծ շեշտ է դրված  Արվեստի  և գիտության զարգացման վրա, և ուսման անհրաժեշտությունը շատ կարևոր դեր է խաղում մեր գործունեության մեջ ի փաստ նրան, որ ունենք հարյուրավոր գիտնականներ և արվեստագետներ, հետևաբար մենք քաջալերում և նեցուկ ենք կանգնում  բոլոր  այն առաջադիմություններին, որոնք օգուտ են տալիս մեր  Հայրենիքին և ազգին: Մեր նպատակը  մեր  Հայրենիքի և ազգի բարգավաճմանն աջակից լինելն է, ինչպես և եղել է  Հեղափոխությունից առաջ, թե հետո և միշտ: Մենք գործում ենք ի օգուտ մեր Հայրենիքի և ազգի:

- Նախկինում Հայաստանում տեղի էր ունենում  մասոնների ամենամյա հավաք։ 2017 թվականին Հայաստանում մասոնական օթյակ հիմնադրելու նպատակով Հայաստան ժամանեց  Ֆրանսիայի «Մեծ Արեւելք» մասոնական օթյակի   ղեկավարը։ Գործակցություն կա՞:

- Աշխարհում կա երկու տեսակի Որմնադրություն` կանոնավոր և անկանոն:

Հայոց Գերագույն Օթյակը միակ կանոնավոր Գերագույն Օթյակն է Հայաստանի հանրապետության տարածքում, և ի տարբերություն՝ Մեծ Արևելքը համարվում է անկանոն։

Կանոնավոր լինելու համար անհրաժեշտ է հետևել Անդերսոնյան գրված սկզբունքներին և օրենքներին, որոնք բաղկացած են  25 հատվածներից։ Օրենքներից գլխավորը հավատք ունենալն է , որը գերագույն ուժի հանդեպ մեզ համար Աստված է, իսկ ոչ կանոնավոր մասոնության  մոտ հավատն առ արարիչ պարտադիր չէ: Սակայն Կանոնավոր մասոնությունում  աթեիստ անհատը  չի կարող դառնալ  Մասոն: Հետևաբար մենք այժմ որևէ համագործակցություն  չունենք Մեծ Արևելքի հետ:

Մեծ արևելքը երկար տարիներ է ինչ փորձում է կենտրոն ունենալ Հայաստանում,  բայց այդքան էլ հեշտ չէ Քրիստնյա հավատացյալ երկրում հաստատել այնպիսի կառույց ,որը իր Աստծուն հավատալը կարևորություն չի համարում  և ազատորեն ընդունում է աթեիստական գաղափարներ ունեցող անձանց։

- 2018 թվականին Հայաստանում տեղի ունեցած հեղափոխությունից հետ մասոնական շարժումը Հայաստանում առերեւույթ ակտիվություն չի դրսեւորում: Ինչո՞ւ։

- Որովհետև Մասոնությունը որպես կազմակերպություն չի զբաղվում քաղաքականությամբ և չի միջամտում քաղաքական գործունեության: Անկախ նրանից թե ով է կառավարության գլխին մենք շարունակում ենք զբաղվել մարդասիրական բարոյականությանն ուղղված գործունեությամբ :

Իշխանությունը որևէ խնդիր չունի մեր հետ և երբեք չի սահմանափակել մեր գործունեությունը։ Միակ խնդիրը դա ժողովրդի   նախապաշարումն է Ազատ Որմնադրության հանդեպ, ինչն էլ ազատում է նոր անդամների ներգրավմանն ու մեծացմանը,  այնուամենայնիվ հուսով ենք, որ մեր բարի աշխատանքները  մեր ճշմարիտ նպատակը ի հայտ կդարձնեն մանավանդ նոր սերունդին, որը ավելի ծարավ և հակված են ընդունելու  են մեր սկզբունքները:

- Ձեր գնահատմամբ՝ որքանով է այսօր մասոնականությունը ուժեղ Հայաստանում և ներգրավված կառավարման գործում։

-Մասոնության ուժը իր  բարոյական ուսմունքների մեջ է և ոչ թե աշխարհի կառավարման գործում: Իհարկե, այն անդամները որոնք  լավ սկզբունքներով օժտված որմնադիրներ են և երկրե-երկիր կառավարության մեջ են .անշուշտ  միայն կծառայեն երկրի և ժողովրդի  բարելավման համար:

- Հայտնի է, որ ընդհուպ նախագահների մակարդակով կան մասոններ, ԱՄՆ նախկին նախագահը չի էլ թաքցրել այդ մասին,բայց հատկապես Հայաստանում այդ մասին խոսելն անգամ վտանգավոր է համարվում, փակ ինֆորմացիա, ինչու՞:Ժամանակին խոսվում էր նաև Լևոն Տեր-Պետրոսյանի, Աշոտ Մանուչարյանի մասոն լինելու մասին։

- Ինչպես նշեցի Մասոնության հանդեպ նախապաշարումներ կան Հայաստանում, որը առաջացել է  Սովետական տարիներին, քանի որ Մասոնությունը մարդկային իրավունքների և հավասարության  կողքին է եղել և Սովետական ռեժիմը տոտալիդտարյան էր, այդ պատճառով Մասոնները հալածված են եղել Սովետական իշխանության կողմից: Նաև շատերը մեղադրում են մասոններին  Հայոց ցեղասպանությունն օգտագործելու մեջ՝ չնայած նրան, որ այդ ամենը բոլորովին սխալ հասկացողություն է: Հույս ունեմ, որ մոտ ապագայում  կանդրադառնանք  այս հարցին և ավելի  լավ լուսաբանենք  մեր ժողովրդին այս հարցը: Իսկ ինչ վերաբերում է Տեր -Պետրոսյանի և Մանուչարյանի, ապա անձամբ  տեղյակ չեմ և փաստեր չունեմ,  և չեմ հանդիպել նրանց որևէ  հանդիպման ժամանակ:

- Եթե փորձենք փուլերի բաժանել Հայաստանում մասոնականության ներկայացվածությունը, ապա ո՞ր փուլում ենք այսօր գտնվում:

- Մասոնությունը դանդաղ, բայց ամուր և հստակ քայլերով է գործում: Մեզ համար որակը քանակից ավելի կարևոր է, հետևաբար ամուր քարերով ենք ուզում հիմնել մեր շենքը:
Մասոնությունը միշտ Մարդկային Իրավունքների, Ճշմարտության, Հավասարության, Արդարության և Բարեսիրության փուլում կգտնվի:

- Հայաստանի այսօրվա Երիտասարդ կառավարիչների շրջանում պոտենցիալը ինչպե՞ս եք գնահատում՝ մասոնականության տարածվածության առումով ու նման ծրագրեր կա՞ն, թե ոչ։

- Մասոնության նպատակը լավ անհատը ավելի լավ դարձնելն է: Լավ անհատ կերտելով կկառուցենք լավ հասարակություն հետևաբար լավ երկիր: Անկասկած Հայաստանում կան շատ երիտասարդներ և քաղաքական գործիչներ , որոնք  բարոյական  պարկեշտ անհատներ են, և Մասոնության սկզբունքների կիրառմամբ կդառնան   ավելի վսեմ անձ ու ավելի օգտակար կլինի  հայրենիքին և ժողովրդին: Ես անձամբ հրավիրում եմ նրանց, որ գան և ծանոթանան մեզ, ես պատրաստ եմ նաև պատասխանել նրանց բոլոր հարցերին: Ազատ Որմնադրության սկզբունքներն  ու ճանապարհը հիանալի, հարմար և ընդունելի է մանավանդ նոր սերունդին:

Մասոնությունը չի կարող անհատապես հրավիրել որևէ մեկին անդամակցելու, անդամակցություն առաջարկելը մեր օրենքին հակառակ է: Անհատը  պետք է ցանկություն հայտնի դառնալու որմնադիր  իր ազատ կամքով միանա եղբայրությանը: Սակայն Կարող ենք նրանց ուղղություններ ցույց տալ ,որ ավելի լավ գաղափար կազմեն Ազատ Որմնադրություն մասին: Հայոց Գերագույն Օթյակը ունի իր կայքը  glofarmenia.org նաև Անգլերեն իմացողների համար ունենք gwlodge4.org: Մանրամասնությունների համար կարող են թե ինձ և թե կայքերի պատասխանատուներին դիմել:

- Հայաստանի սոցիալ-տնտեսական մարտահրավերներին մտադի՞ր եք արձագանքել:

- Մասոնությունը դեռ շատ երիտասարդ է Հայաստանում համեմատած ուրիշ երկրների հետ:Հայաստանում ստեղծվեց  2002 թվին, իսկ այլ երկրներում  գոյություն ունեին հարյուրավոր տարիներ ի վեր: Ոչ անդամների թվով և ոչ էլ ֆինանսական կարողությամբ հավասար չենք այդ հին Գերագույն Օթյակներին, սակայն  մեր կարողության չափով և մեր արտասահմանի Հայ Եղբայրների օգնությամբ կարողանում ենք զարգանալ  տարբեր  ուղիներով: Ունենք մեր Նոյան Զավակներ բարեգործական կազմակերպությունը ,որը օգնում է շատ կարիքավորների,  նաև  վերջերս, Երևանի գեղեցկության, օդի մաքրման և բարելավման համար կատարեցինք ծառատունկ հիմնելով որմնադրական անտառ։ Մի ծրագիր ,որը կազմակերպվեց մեր գերագույն Վարպետի նախաձեռնությամբ ինչը ողջունվեց  և գնահատվեց  բոլորի կողմից: Մենք միշտ պատրաստ ենք հաղթահարելու մարտահրավերները, որոնք շատ- շատ են, և դրանք արվում են մեր կարողությունների սահմանում ի նպաստ  մեր Հայրենիքի  բարելավման աշխատանքներին:

Հեղինակ՝ Տիգրան Հակոբյան

Աղբյուր` Փաստինֆո