Փաստ ինֆո

Ազգային ժողովի փոխնախագահն իրավունք չուներ, չունի և չի էլ ունենալու իրեն թույլ տալ լկտի, փողոցային պահվածքի դրսեւորում, հատկապես այն պարագայում, երբ նախորդ օրն իրեն ի լուր ողջ ՀՀ-ի անվանել են «անբարոյականի վաստակ» և նա որևէ կերպ չի փորձել այդտեղ իր ինքնասիրությունը պաշտպանել: Այս մասին այսօր լրագրողների հետ ճեպազրույցում ասաց «Քաղաքացիական գիտակցություն» ՀԿ նախագահ Նարեկ Սամսոնյանը:

Նա հիշեցրեց, որ Արթուր Դանիելյանը նախկինում ծեծել էր Ալեն Սիմոնյանին, և Սիմոնյանը տղամարդկություն չի ունեցել լուծել խնդիրն առանց մանդատի:

«Իմ խորին համոզմամբ Արթուր Դանիելյանին որպես մեղադրյալ կներգրավեն, քանի որ այս իշխանությունը քաղաքական հետապնդումներով անցել է նախկիններին: Այս իշխանությունը քաղաքական հետապնդում իրականացնող, մարդուն դատապարտող, կեղծ փաստաթղթերով մարդկանց բանտ նստեցնող իշխանություն է, որը քաղաքական հակառակորդների հետ վենդետաներ է անում»,-ասաց Սամսոնյանը:

Հարցին, պահանջելու՞ եք Ալեն Սիմոնյանի հրաժարականը, նա պատասխանեց. «Ես կարծում եմ, որ չարժե պահանջել Ալեն Սիմոնյանի հրաժարականը, ի՞նչ տարբերություն Ալեն Սիմոնյանն ԱԺ փոխնախագահ է, թե վարչապետ: Հայաստանում կա մի մարդ, որն որոշում է ամեն ինչ: Այդտեղ կա Նիկոլ Փաշինյան, որն անգամ կարող է ասել գնա՝ «մոր քֆուրի տակ մտի» ու Ալենը կգնա, կմտնի: Նորմալ իշխանությունը նվազագույնը տեղում կդադարեցներ այդ մարդու լիազորությունները»:

Աղբյուր` Փաստինֆո