Փաստ ինֆո

Ոչ թե հիասթափված եմ, այլ՝ նեղված եմ, որ ջանք եմ դրել՝ ներկա իշխանության գալու համար: Այս մասին լրագրողների հետ զրույցում ասաց Կառավարության մոտ բողոքի ակցիա իրականացնող քաղաքացին՝ հավելելով, որ չի ափսոսում, որ Սերժ Սարգսյանի իշխանությունից ազատվել է:

«Ես Փաշինյանի խոսքերը լուրջ չեմ ընդունում այն պահից, երբ ինքը սկսեց լուրջ ընդունել կորոնավիրուսը, կմկմաց ԱԺ-ում: Այդ պահից սկսած ես չեմ կարող Նիկոլ Փաշինյան անձին լուրջ ընդունել: Նա պետք է որպես երկրի ղեկավար ներողություն խնդրի և շարունակի կառավարել, որ իր կառավարումն այլևս ծիծաղելի չլինի: Ես կարծում եմ, որ Նիկոլ Փաշինյան անձը մաքուր նպատակներ ունի, բայց վատ կառավարիչ է: Այս դեպքում կա՛մ պետք է գիտակցի, որ վատ կառավարիչ է, կամ պետք է հրաժարական տա»,- ասաց նա՝ հավելելով, որ մեղքի զգացում ունի փնթի կառավարման համար:

Նա նաև տեղեկացրեց, որ ոստիկաններն իրեն առավոտյան բերման էին ենթարկել, սակայն այս պահին որևէ կոնֆլիկտ չունի իր հետ և իր խնդիրը միայն երկրի կառավարության հետ է, ովքեր երկիրը կառավարում են տգետ:

Նրա խոսքով՝ արտակարգ դրությունը բեմականություն է և ինքը Կապանից մեքենայով եկել է Երևան, սակայն իրեն ոչ ոք չի կանգնեցրել: Ըստ նրա՝ այս ամենը պոպուլիզմ է, բեմականացում և կան քայլեր, որոնք պետք է ձեռնարկվեին փետրվար ամսին:

Մանրամասները՝ տեսանյութում

Աղբյուր` Փաստինֆո