Փաստ ինֆո

ԱԺ դահլիճում այսօր շարունակվել է ԱԺ երկու խմբակցություններին՝ «Լուսավոր Հայաստանի» ու «Իմ քայլի» պատգամավորների միջեւ հեռակա «փոխհրաձգությունը»։ Դուք որտեղից գիտեք, թե ում ոնց են ընդունում, ում մասին ինչ կարծիք ունեն և նախևառաջ լսեք Ձեր մասին կարծիքները և հետո նոր Ձեզ իրավունք վերապահեք մի մարդու մասին խոսել, ով դահլիճում չի գտնվում: Ազգային ժողովում հայտարարել է «Իմ քայլը» խմբակցության պատգամավոր Արփի Դավոյանը՝ արձագանքելով «Լուսավոր Հայաստան» խմբակցության պատգամավոր Անի Սամսոնյանի հայտարարությանը, որ ԱԺ փոխնախագահ Ալեն Սիմոնյանին նույնիսկ սեփական թիմում լուրջ չեն ընդունում, ուր մնաց իրենք ու ժողովուրդը լուրջ ընդունեին: 

Դավոյանը պահանջեց, որ Սամսոնյանը նույն բանը կրկնի Ալեն Սիմոնյանի ներկայությամբ՝ նայելով նրա աչքերին և ասի, թե ումից է լսել նման կարծիքներ:
Նա նշեց, որ այսօր ԱԺ դահլիճում կարելի է ասել պոպուլիզմի ցերեկույթ էր, չնայած դա սկսվել է համավարակի հետ.«Համաճարակի բռնկման հետ մեկտեղ, «Լուսավոր Հայաստանում» պոպուլիզմի բռնկում ստեղծվեց»,- ասաց նա և ընթերցեց, թե ինչ է նշանակում պոպուլիզմ:

Դավոյանն անդրադարձավ նաև «Լուսավոր Հայաստան» խմբակցության ղեկավար Էդմոն Մարուքյանի ելույթին, թե բարեբախտաբար 2 տարիների ընթացքում խնայողություններ են եղել. «Խնայողությունները, բարեբախտաբար, չեն արվում, այլ նպատակաուղղված, ծրագրված են ու արվում են Կառավարության կողմից: Ես հասկանում եմ, որ միտքը հնչեցրած անձի համար զարմանալի է, որ Կառավարությունը կարող է խնայողություններ անել, բայց այդպես է ստացվել.:
Խոսելով Մարուքյանի ելույթում հնչեցրած «կուշտը սովածին մանր է բրդում» արտահայտության մասին՝ «Իմ քայլը» խմբակցության պատգամավորը վրդովված ասաց. «Դա մե՞զ է ասում, կուշտը մե՞նք էինք, այդ կուշտերի ժամանակ պատգամավոր է եղել, քանի՞ անգամ է նման ելույթ ունեցել, ոչ մի անգամ»:

Աղբյուր` Փաստինֆո