Փաստ ինֆո

Ապրիլի 24-ն այն օրն է, որ մենք բոլորս լուռ խորհում ենք, վերագնահատում ենք անցյալն ու հայացքներս հառում դեպի ապագա, որտեղ մենք պարտավոր ենք լինել միասնական ու համերաշխություն քարոզենք: Բայց արի ու տես, որ օրվա իշխանությունը՝ նրա ղեկավարի գլխավորությամբ, մտածում է այլ կերպ: Այս մասին այսօր ֆեյսբուքյան ուղիղ եթերում ասաց ՀՀԿ խոսնակ Էդուարդ Շարմազանովը:

«Փաշինյանն իր ուղիղ եթերում ևս մեկ անգամ ապացուցեց, որ իր սեփական «ես»-ը վեր է դասում նույնիսկ համազգային ողբերգությունից: Նա խոսեց ազգային նոր նկարագրի, նոր որակի, էլի հնի ու նորի բաժանման, աննախադեպության մասին»,-ասաց Շարմազանովը:

Նա ընդգծեց, որ միգուցե այս տարի ապրիլի 24-ն աննախադեպ էր, սակայն աննախադեպ էր էժան PR-ի առատությամբ:

«Օրվա իշխանությունը նույնիսկ չխորշեց 82-ամյա պապիկին իր սեփական PR գործիք դարձնելու հարցում: Այդ մարդուն մինչև գիշեր պահեցին այնտեղ, ապա ամբողջ թիմով հրապարակային լծվեցին Փաշինյանի PR-ին, թե բա տեսեք-տեսեք ինչ բարի է մեր վարչապետը, որ թույլ է տվել պապիկին գնալ և ծաղիկներ խոնարհել: Այն, որ պապիկը պետք է ծաղիկներ խոնարհեր, դա աներկբա է, սակայն դա պետք է արվել շուտ ու լուռ, և ոչ թե այս իրադարձությունը դառնար սեփական PR-ի ու էժան դիվիդենտներ շահելու գործիք»,-ասաց ՀՀԿ խոսնակը:
Շարմազանովն ընդգծեց, որ 2015թ-ի ապրիլի 24-ի միջոցառումներին 12-ից ավելի երկրների պատվիրակություններ են մասնակցել. «Մասնակցել են բազմաթիվ պառլամենտների ղեկավարներ, և 4 երկրի նախագահներ՝ Սերբիայի,Կիպրոսի, Ֆրանսիայի, Ռուսաստանի: Նրանցից 2-ը՝ Ֆրանսիան և Ռուսաստանը, ՄԱԿ-ի անվտանգության խորհրդի մշտական անդամներ են, սակայն նույնիսկ այդ ժամանակ մենք չենք ասել, որ այդ միջոցառումն աննախադեպ է, չնայած միգուցե իրոք աննախադեպ էր»:

Մանրամասները՝ տեսանյութում:

Աղբյուր` Փաստինֆո