Փաստ ինֆո

2021 թվականին ՀՀ ոստիկանության ծառայությունը կվերափոխվի նախարարության: Այս փոփոխությունը նախատեսված է «Ոստիկանության բարեփոխումների ռազմավարությամբ և դրանից բխող 2020-2022 թթ.» գործողությւոնների ծրագրով, որը գործադիրը հաստատեց այսօրվա նիստում:

Արդարադատության նախարար Ռուստամ Բադասյանը նշեց, որ կձևավորվի Ներքին գործերի նախարարություն, որը պատասխանատվություն կկրի ոլորտում բարեփոխումների համար: Ծրագրով նախատեսվում է ստեղծել նոր պարեկային ծառայություն, որի գործառույթներն ավելի լայն կլինեն. «Պարեկային ծառայությունը սկզբնապս գործարկվելու է Երևանում: Նախատեսվում է 150 մեքենա 600 ծառայողով»,-ասաց Ռուստամ Բադասյանը:

ՀՀ վարչապետ Նիկոլ Փաշինյանն էլ նշեց, որ խնդիր են դրել 2021 թվականի առաջին եռամսյակում ունենալ նոր պարեկային ծառայություն, ինչը նշանակում է, որ ոստիկանության ամբողջ արտաքին ծառայությունն ամբողջությամբ փոխվելու է ոչ միայն ձևով, այլև բովանդակությամբ. «Դրա ռաջին փուլը կրթական փուլն է, որը մեր նախնական պայմանավորվածությամբ պետք է մեկնարկեր ապրիլից, բայց կորոնավիրուսի պատճառով հետաձգվեց: Եվ ոստիկանությունում առկա կադրերի և նոր կադրերի ներգրավման նպատակով Ոստիկանության ակադեմիան պետք է դասընթացներ կազմակերպի պարեկային ծառայության համար:

Պարեկային ծառայության ամբողջ ենթակառուցվածքը պետք է լինի ամբողջությամբ նոր սկսած տեխնիկական միջոցներից: Երկրորդ փուլում կստեղծենք Ներքին գործերի նախարարություն և հետագա ամբողջ քաղաքականությունը կիրականացնի ՆԳՆ-ն»,ժ-ասաց վարչապետը նկատելով, որ Ներքին գործերի նախարարության ստեղծման թեման վերջին երկու տարվա ընթացքում ամենաշատ քննարկված թեմաներից էր: Վարչապետի խոսքով մշտապես առաջացել է կոնֆլիկտ խնդրի քաղաքական և զինվորական մասի բովանդակությունների միջև. «Ի վերջո մենք հրաժարվել ենք այն տրամաբանությունից, որ հնարավորություն ստանանք քաղաքացիական անձանց նշանակել ոստիկանությունում, առավել ևս ղեկավարի կարգավիճակում: Կոնֆլիկտը լուծելու համար որոշեցինք, որ կունենանք Ներքին գործերի նախարարություն և քաղաքացիական հատվածը հստակ կտարանջատվի զինվորական հատվածից»,-նշեց Նիկոլ Փաշինյանը:

Աղբյուր` Փաստինֆո