Փաստ ինֆո

Մեծ պատրաստակամություն ու ցանկություն ունեմ հանդիպել բոլորիդ հետ, քննարկել խնդիրներն ու հարցերը, որ գտնենք առաջ գնալու ամենաճիշտ ու արդյունավետ ձևերը: Այս մասին «Յուքոմ»-ի աշխատակիցներին ուղղված տեսաուղերձում ասել է «Յուքոմ» ընկերության նորանշանակ տնօրեն Արա Խաչատրյանը:

«Վերջին երկու շաբաթները բավականաչափ լարված և էմոցիոնալ են եղել: Գրեթե բոլորս կանգնած ենք եղել երկընտրանքների առաջ և ես վստահ եմ, որ ազնիվ մղումներից ելնելով մենք որոշակի քայլեր ենք կատարել: Կոչ եմ անում բոլորին նորից միավորվելու, որպեսզի «Յուքոմ»-ն էլ ավելի արդյունավետ, հզոր և հպարտ կազմակերպություն դարձնենք: Հայկը, Ալիկը և այս կազմակերպությունում աշխատող շատ մարդիկ իմ ընկերներն են և նրանց արած աշխատանքն այսօրվա «Յուքոմ»-ի կայացման մեջ անգնահատելի է: Բայց մենք դեռևս մեծ աշխատանք ունենք անելու, որպեսզի էլ ավելի զարգացնենք ու հզորացնենք մեր ընկերությունը»,-նշել է Արա Խաչատրյանը:

Վերջինս խոսել է երեք մարտահրավերների մասին, որոնցից մեկը ներքին խնդիրների հնարավորինս արագ հաղթահարումն է. «Հարգելու եմ, ընդունելու եմ բոլորիդ որոշումները, բայց կխնդրեմ մինչև Ձեր որոշումների կայացումը հնարավորություն տալ բոլորիս միավորվելու և մեջ ջանքերն ու էներգիան ուղղելու դեպի կառուցողական աշխատանքի»,-տեսաուղերձում ասել է Արա Խաչատրյանը:

Աղբյուր` Փաստինֆո