Փաստ ինֆո

Կորոնավիրուսից ապաքինված իտալացիների թիվը ռեկորդ է սահմանել։ Այս մասին ասվում է Իտալիայի քաղաքացիական պաշտպանության ծառայության ամփոփագրում, որի տվյալները ներկայացնում է «ՌԻԱ Նովոստի » - ն։

Ընդամենը մեկ օրում ապաքինվել է Իտալիայի 2723 բնակիչ։ Ընդ որում, նախօրեին՝ ապրիլի 20-ին, կորոնավիրուսով վարակված իտալացիների թիվը համաճարակն սկսվելուց ի վեր առաջին անգամ նվազել է: Երեքշաբթի, ապրիլի 21-ին, այն շարունակել է նվազել ավելի արագ տեմպերով։

Ավելի վաղ մի շարք դեմոգրաֆ- փորձագետներ, ուսումնասիրելով կորոնավիրուսի պանդեմիայի ժամանակ մահացության մասին տվյալները, նրա զոհերի թիվը խիստ նվազեցված են անվանել: Մասնագետները նաեւ նշել են, որ ներկայիս մահացությունը սովորականից բարձր է մի քանի անգամ։ Բացի այդ, որոշ երկրներ վիճակագրության մեջ են մտցնում միայն հիվանդանոցներում զոհվածների թիվը։ Ավելի հավաստի տեղեկատվություն աշխարհը, ամենայն հավանականությամբ, կստանա միայն մի քանի ամիս անց:

Ըստ Ջոնս Հոպկինսի համալսարանի ապրիլի 21-ի տվյալների՝ Իտալիայում կորոնավիրուսով վարակման 184 հազար դեպք է գրանցվել: Վարակի զոհ է դարձել 24,6 հազար մարդ, իսկ ընդհանուր առմամբ բուժվել է 51,6 հազար հիվանդ։ Ընդամենը կորոնավիրուսով վարակվածների թիվն աշխարհում գերազանցել է 2,5 միլիոնը։ Ավելի քան 175,4 հազար մարդ Է մահացել COVID-19-ից, ավելի քան 669,3 հազարը՝ բուժվել:

Աղբյուր` Փաստինֆո