Փաստ ինֆո

Ռուսաստանի արտաքին գործերի նախարար Սերգեյ Լավրովը երեքշաբթի Ալեքսանդր Գորչակովի անվան հանրային դիվանագիտության աջակցության հիմնադրամի մասնակիցների հետ կայացած կլոր սեղանի ընթացքում գնահատել է Հայաստանի համար գազի գնի իջեցման հնարավորությունը:

«Բոլորին հայտնի է, որ գազի գինը ոչ այնքան բիզնես է, այլ նաև քաղաքականություն։ Մենք, օրինակ, Հայաստանում, Բելառուսում, երբ նայում ենք, թե ինչպես է Ռուսաստանը նվազեցնում գինը, նույնիսկ հետին թվով, ԵՄ երկրների, ասենք, Բուլղարիայի, կամ նույնիսկ բարեկամ Մոլդովայի համար, որտեղ հիմա գինը ցածր է, քան Հայաստանի համար, հարց է ծագում: Չէ որ դա այլ երկրների համար խթան կհանդիսանար անդամակցել ԵՏՄ – ին, հասկանալ, որ դրանից մեծ տնտեսական օգուտներ են գալիս», - Լավրովին հարցրել է լրագրող Հայկ Խալաթյանը ։

Ի պատասխան՝ Լավրովը հայտարարել է, որ հարցը Հասկանալի է և տրամաբանություն է տեսնում։

«Բայց պետք է այս դեպքում տրամաբանական լինել մինչև վերջ։ Երբ գազի գինը, որն այժմ կա Հայաստանի, Բելառուսի համար, շուկայականից երկու, երեք անգամ ցածր էր, դա ընկալվում էր որպես այդպիսին, և ոչ ոք չէր խոսում այն մասին, որ դա քաղաքականություն է։  Բոլորն ասում էին, դե, այդպես էլ պետք է մեր դեպքում։ Ես կարծում եմ, որ դաշնակիցները, իհարկե, պետք է ստանան տնտեսական օգուտներ: Ոչ մի կասկած ինձ մոտ այստեղ չի առաջանում: Բայց երբ գինը հասել է այնտեղ, որտեղ այժմ է, կան ինչ-որ պայմանագրային պարտավորություններ, եւ ես համոզված եմ, որ դիմումների քննարկման ընթացքում, իսկ դրանք վերջին շրջանում եղել են եւ բելառուսական ընկերների, եւ հայ ընկերների կողմից, մեր դաշնակցային հարաբերությունները, Իհարկե, հաշվի են առնվում», - հայտարարել է Լավրովը։

Խոսելով կոնկրետ Հայաստանի մասին՝ Լավրովը հիշեցրել է, որ այդ հարցով զբաղվում են ՌԴ Էներգետիկայի նախարարությունն ու «Գազպրոմը»։

Բայց, ըստ նրա, այն խնդիրներից մեկը, որը քրոնիկ է և չի լուծվում արդեն մի քանի տարի՝ Հայաստանում ներքին սակագներն են, որոնք այնպիսին են, որ դա դժվարացնում է գնագոյացման նկատմամբ առավելագույն արտոնյալ մոտեցումների կիրառումը։

Սերգեյ Լավրովը հիշեցրել է Ռուսաստանի նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի միջեւ վերջերս կայացած հեռախոսազրույցի մասին:

«Նրանք տեսնում են մեր դաշնակցային, ռազմավարական գործընկերության զարգացման ուղիները։ Հավատացնում եմ ձեզ, որ հենց այդ հունով են լուծվելու բոլոր հարցերը երկու կողմերից», - ամփոփել է ՌԴ ԱԳ նախարարը ։

Աղբյուր` Փաստինֆո