Փաստ ինֆո

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանն այսօր «Փաստինֆո»-ի հետ զրույցում անդրադարձել է Գեղարքունիքի մարզպետ Գնել Սանոսյանի գրառմանը՝ այն որակելով «անհամ «պրիկոլներ»:

Հիշեցնենք, որ Նաիրա Զոհրաբյանի ելույթից հետո, որի ժամանակ պատգամավորը նշել էր, որ տարբեր խնդիրներով իրեն են դիմել հարյուրավոր քաղաքացիներ, մարզպետը ֆեյսբուքում գրառել էր. «Ինձ են դիմել այնքան մարդ, որքան աշխարհի բնակչությունն է և տվել են այնքան հարց, որքան աստղերն են))

Անհայտ ընդդիմադիր...»:

Զոհրաբյանի հայտարարությանը արձագանքել էին նաև իշխանական մի շարք գործիչներ ու տարատեսակ ֆեյսբուքյան գրառումներ կատարել:

«Բնությանն անհայտ ինչ-որ մի մարզպետ է գրառում արել, որի անունն իմացա միայն այն ժամանակ, երբ որոշեց ինչ-որ հումորներ անել իմ դիտարկման վրա, թե օրական հարյուրավոր քաղաքացիներ են ինձ դիմում»,-ասաց Զոհրաբյանը:

Նա՝ դիմելով մարզպետին, ասաց. «Այո, անհայտ մարզպետ, դիմում են, Ձեզ չեն դիմում, ինձ են դիմում, որովհետև Ձեզ հետ հույս չեն կապում ու մի զարմացեք որ դիմում են, եթե Ձեզ հետ էլ հույս կապեին հաստատ հազարավորները կդիմեին»:

Աղբյուր` Փաստինֆո