Փաստ ինֆո

Փաշինյանի կորոնավիրուսային ինֆորմացիոն ուղերձը բոլորովին այլ մոտիվներով լայվերի առիթ դարձավ և ըստ ամենայնի՝ մինչ օրվա ավարտը դեռ կարելի է սպասել լայվիկների: Որ մի «բաբաթ փիքր անի»՝ կհասկանա, որ իրենից ու հեղափոխությունից ամենադժգոհ խավի՝ վարորդների մասին մոռացել է, մինչդեռ նրանք շատ կոնկրետ դեր ունեին թավշյայի օրերին: Վերջիններիս հետ զրույցները փաստում են, որ այսօր նրանք ոչ միայն հիասթափված են, այլև՝ ընկճախտի մեջ են:

Գանք Փաշինյանի՝ իրենից դժգոհ խմբերի մաթեմատիկական մոդելավորման պարզագույն օրինակին: Ասում ենք Փաշինյանի, քանզի Վլադիմիր ՈՒլյանովի հանգույն՝ «мы говорим Ленин подразумеваем партия, мы говорим партия, подразумеваем — Ленин…» տարբերակով՝  այս դեպքում էլ գործ ունենք՝ ,,ասելով Նիկոլ՝ հասկանում ենք թավիշ, ասելով՝ թավիշ հասկանում ենք Նիկոլ,, երևույթի հետ:

Եվ ուրեմն, շուրջ 14-15 դժգոհ խմբերի է բաժանում Փաշինյանը ժողովրդին: Նրանց մեջ են նախկին իշխանության ներկայացուցիչները, ապա՝ նրանց փորձագիտական և փիար կենտրոններրի ներկայացուցիչները, հետո՝ կրիմինալները, հետո՝ կոռուպցիոներները, հետո՝ քաղաքական ուժերը, այդ թվում՝ նաև այն ուժերը, որոնց հետ և կողքին է եղել ինքը տասնամյակներ շարունակ, նաև՝ արևմտամետներն ու ռուսամետները, նախկին օլիգարխները /հետաքրքիր է, Սամվել Ալեքսանյանը նախկին է, թե՞ ներկա, դժգոհ է, թե՞ շաաատ գոհ, բնականաբար, Փաշինյանը դժգոհների մեջ տեսնում է նաև նախկին գործընկերներին՝ լրատվամիջոցներին՝ խմբագիր և լրագրող, հետո գալիս են հոգևորականները, որոնք ըստ Փաշինյանի դժգոհ են, քանի որ իր և թավշյա հեղափոխության բերած թավշյա արժեքներին դեմ են: Հետաքրքիր է, թե ո՞ր արժեքների մասին է խոսքը, չլինի թե՞ 1-ին ծնող, 2-րդ ծնող ձևակերպման տակ հասկացվողի, նաև՝ տրանսգենդերների, գլոբալիստների, զանազան աղանդավորների, մարիխուանամոլների, մոլությունների մեջ խրվածների…

Հետո Փաշինյանը առանձին խմբում տեղավորեց Սփյուռքի կառույցներին, իր խոսքով՝ նյութական ակնկալիքով հեղափոխությանը միացածներին, նաև՝ իր ընկեր-բարեկամներին, որոնց, իբրև թե՝ պաշտոն չի տվել: Այ քեզ բան, իսկ ու՞մ բարեկամն ու հարազատն են ԱԺ երկու պատգամավորները, և նույնիսկ մեկը՝ հարկայինի պաշտոնյա…

Իրականում, եթե լավ մոդելավորենք այնքան տարբեր սոցիալական շերտեր պիտի նշենք՝ զբաղվածության խնդիր ունեցողներից՝ կենսաթոշակառուներ, սևազգեստ մայրեր, քաղավիացիայի ոլորտի ներկայացուցիչներ, գյուղի աշխատավորներ…

Իսկ միգուցե ավելի ճիշտ կլիներ չհիասթափվածների անուննե՞րը նախ նշեր: Ի դեպ, հարց է՝ սորոսականներից զատ՝ թավիշն է՞լ ում է շոյել: Աստված գիտի՝ եթե իր ընտանիքում էլ լոկալ դժգոհներ լինեն, կմնա ինքն ու իր չոր գլուխը:

Իսկ ընդհանրապոս, Փաշինյանը հերթական անգամ չկարողացավ զերծ մնալ պոպուլիզմից, քանզի այստեղ հեղափոխական-հակահեղափոխական ընդհանրական բաժանումից ու պառակտումից նա անցավ քարկտիկ խաղալու:

Հեղինակ Ա. Ե.

Աղբյուր` Փաստինֆո