Փաստ ինֆո

Այսօր տարբեր ուղղություններով լայնածավալ հարձակում է սկսվել իշխանության, պատգամավորների, մեր քաղաքական գործիքչների ուղղությամբ: Այս ամենը կապված է այն գործողությունների հետ, որոնք տեղի են ուենենում Ազգային ժողովում: Այս մասին այսօր ԱԺ-ում ասաց ԱԺ փախնախագահ, «Իմ քայլը» մբակցության պատգամավոր Ալեն ՍԻմոնյանը:

Նա շեշտեց, որ տարբեր կայքերով, եթերներով իշխանությանը վարկաբեկում են հայտնի կարկառուն ներկայացուցիչների քրեական գործերի համար, ԱԺ-ի ընդունած «Ապօրինի գույքի բռնագանձման» մասին օրենքի, Հանրային հեռուստաընկերությանը գովազդի հնարավորություն տալու և մի շարք այլ օրինագծերի համար:

«Այսօր այս ամենն արվում է մեկ նպատակով՝ որպեսզի այս իրավիճակն օգտագործեն իշխանությանը վարկաբեկելու համար ու ներկայացնելու համար այն ամենն, ինչն իրականում գոյություն չունի»,-ասաց Սիմոնյանը:

Նա դիմելով ժողովրդին ասաց, որ գիտեի՝ ամեն ինչ շատ լավ հասկանում են ու պետք է տեղի չտան կոնտեքստից կտրված նյութերին. «Պետք է տեղի չտալ Միքայել Մինասյանի հեռուստաալիքներով, կայքերով ցուցադրվող լարովի դերասաններին, մարիանետկաներին, Սերժ Սարգսյանի, Ռոբերտ Քոչարյանի ֆեյքերին և մնացած բոլոր մարդկանց, ովքեր վարձատրվում են ՀՀ-ից գողացված փողերով, որպեսզի ստեղծեն նման մթնոլորտ»:

Սիմոնյանը շեշտեց, որ իշխանությունը նույնն է, եղել է և կա ՀՀ ժողովրդի մի մասը, իսկ այն մարդիկ, ովքեր գողացել ու հանցագործություններ են արել՝ պատժվելու են:

«Հաճախ ասել ենք, որ շատ ավելի ուժեղ գործելու ժամանակն է, այդ գործողությունները կատարվել են և կատարվելու են, թող կասկած չլինի, և բոլորը ստանալու են իրենց արժանի պատիժները»,-ընդգծեց ԱԺ փոխնախագահը:

Աղբյուր` Փաստինֆո