Փաստ ինֆո

Կորոնավիրորսի այս համաճարակի օրերը շաբաթներ ու ամիսներ են ձգվում, ու մինչ ներսում՝ տանը մնալու ժամանակն օգտագործելով մարդիկ սեփական գոյի ներհայեցողական պրպտումների, կորոնավիրուսի ի հայտ գալը աշխարհին ուղղված՝ մարդու և բնության ներդաշնակության անհրաժեշտության նշանային՝ միտք -մտածումների մեջ են, այլ և ուրիշ ուժեր որդի նման կրծում են մեր արմատները…

Վերջին հարձակումը Հայ Առաքելական Եկեղեցու և կոնկրետ Ամենայն Հայոց Կաթողիկոսի դեմ էր:

Ի դեպ, այս համատեքստում թավշյա իշխանությունը մի շրջան արել է արդեն, քանի որ իշխանության գալով իսկ սկսեց թիրախավորել Վեհափառին և Հայ Առաքելական եկեղեցու դեմ կեղտոտ քայլեր ձեռնարկել:

Ըստ ամենայնի՝ ներկաները ազգային եկեղեցուց զուտ նյութական ակնկալիքներ ունի, քանի որ ժամանակագրորեն ստացվում է այնպես, որ երբ Մայր Աթոռ Սուրբ էջմիածինը բավական պատկառելի նվիրատվություն է կատարում կոնկրետ հիմնադրամին /Ժպիտների քաղաքի հաշվետվությունը՝ վկա/, այդ ընթացքում իշխանական աղանդավորահերձվածողականները լռում են:

Հիմա, հավանաբար՝ կոռուպցիայի դեմ պայքարող հերձվածողները նոր փուլ են սկսել: Ինչն, ի դեպ դեռ տարեսկզբից է սկսվել:

Կա այսպիսի միջազգային /սորոսյան/ հասարակական կազմակերպություն՝ «Թրանսփարենսի ինթերնեշնլ հակակոռուպցիոն կենտրոն»: Վերջինս այն երկու կազմակերպություններից մեկն է, որը նախագահական ընտրություններից առաջ ՀՀ կառավարության ֆինանսավորմամբ Արցախ գործուղվեց՝ ,,ժողովրդավարության սերմեր ցանելու,, այնտեղ: ՈՒ հիմա հենց այդ կազմակերպության դեսպաններն են Արցախի ժողովրդի ազատ կամքի արտահայտությունը, որն, ի դեպ, երկու փուլով եղավ /ինչը ժողովրդավարության ցուցիչ կարելի է համարել, հարևան երկրում նման բան, վստահաբար, անհնար կլիներ/, սկսել պիտակավորել: Բերած ,,ընտրախախտումների,, օրինակներն էլ՝ անունը կա, ամանում չկա՝ տարբերակով, այսինքն, ոչ մի փաստ չունեն, ուղղակի ընդհանուր առմամբ՝ ընտրախախտումների տեսականուն ծանոթ լինելով ենթադրում են, որ եղած կլինի:

Ամեն դեպքում, Արցախի ընտրությունների լեգիտիմության հարց բարձրացնող ուժերի հանդեպ ազգային համաձայնություն պիտի լինի՝ ձեռքերդ հեռու Արցախից տոնայնությամբ:

Բայց դառնանք Հայ Առաքելական եկեղեցուն: Այս համատեքստում շարունակաբար և նպատակային է ,,Թրանսփարենսի ինթերնեշնլի,, գործադիր տնօրեն Սոնա Այվազյանի սևեռումը: Վերջինս այն կարծիքին է, որ Հայ առաքելական եկեղեցին «ամենակոռումպացված կառույցներից» է և պահանջում է, որ « եկեղեցին արտոնյալ կարգավիճակ չունենա, ունեցվածքը գույքագրի ու հարկ վճարի»:

Ընդ որում, իր այս պահանջը նա արդարացնում է «Թրանսփարենսի ինթերնեշնլի» կողմից թավշյայից հետո արված մի հետազոտության արդյունքներով:

Հետաքրքիր է, որ այս կազմակերպությունն այսօր ընդհանրապես կառավարության տարբեր ոլորտներին, Երևանի քաղաքապետարանին ու մարզպետարաններին մոտ չի գնում, որքան էլ լրատվամիջոցները և առանձին անհատներ ահազանգում են և օրինակներ բերում:

Ոչ, տվյալ կազմակերպությունն այսօր ուղղորդված է ազգային ինստիտուտների ու համակարգերի, Արցախի ու Հայ առաքելական եկեղեցու, հայ ընտանիքի դեմ: Այնպես որ, պետհամակարգի քպականներից մինչև թրանսփարանսի՝ նույն հանձնարարությունն են կատարում: ՈՒ դա բնավ էլ կոնկրետ հոգևորականների դեմ չէ, դա կոնկրետ ազգային ինստիտուտի դեմ է՝ Հայ Առաքելական Եկեղեցու: Ինչն ակնհայտ է:

Հեղինակ՝ Ա.Ե.

Աղբյուր` Փաստինֆո