Փաստ ինֆո

Սերժ Սարգսյանն ընդունեց, որ Յուրի Խաչատուրովի նիստին չներկայանալը սխալ էր ու հայտնեց, որ խոսել է Խաչատուրովի հետ, հորդորել է, ասել է, որ ճիշտ կլինի գա: Այս մասին այսօր լրագրողների հետ ճեպազրույցում ասաց Ապրիլյան քննիչ հանձնաժողովի նախագահ Անդրանիկ Քոչարյանն ու շեշտեց, որ ճիշտ կլինի Սերժ Սարգսյանի այցից հետո Խաչատուրովը նույնպես ներկայա նիստին ու պատասխանի իրեն վերաբերող հարցերին:

«Պարոն Սարգսյանն ինքն էլ ասաց այն պաշտոնյաների անունները, որոնց մոտ գտնվում են մեր մի շարք հարցերի պատասխանները: Սերժ Սարգսյանն իր մասով պատասխանել է մեր հարցերին այնքանով, որքանով տիրապետում էր, բայց կան բաներ, որ կարող է ինքը չհիշի կամ իրեն զեկուցած չլինեն»,-ասաց Քոչարյանը:Միաժամանակ ավելացրեց, որ Սերժ Սարգսյանը հիմնականում շատ բան հիշում էր։

Հարցին, արդյոք հայտնի ֆիլմում նշված կորցված 800 հեկտարի մասին Սարգսյանը խոսեց, Քոչարյանը պատասխանեց. «Սարգսյանը ֆիքսեց, որ դա ընդամենը ֆիլմ էր։ Ֆիլմը, որպեսզի վավերագրական դառնա այն նկարահանողը առնվազն պետք է տիրապետի այն տեղեկատվությանը, որը գտնվում է քննիչ հանձնաժողովներում: Ֆիլմում հնչեցված բազմաթիվ փաստեր փորձել ենք ճշտել պարոն Սարգսյանից, և նա պատասխանել է, որ դա ֆիլմի ռեժիսորի կողմից իրացված ֆիլմ է ու իրենք հարցազրույցներ են տվել, թե որ պահին ով ինչ է ասել, մենք արձանագրում ենք մեր ձեռքի տակ եղած փաստացի նյութի շրջանակներում»:

Ա.Քոչարյանը նշեց, որ երրորդ նախագահից հետաքրքրվել են, թե իր կարծիքով 2016 թվականին հակառակորդն իր առջեւ դրված ռազմական խնդիրը լուծվել է, թե ոչ, դրա մեջ կա քաղաքական բաղադրիչ, թե ոչ, մենք որքանով ենք պատրաստ եղել դրանից առաջ, հետախուզության տվյալները ամբողջությամբ արտացոլում են այն տեղեկատվությունը, որը գտնվում է շրջանառության մեջ։ Հարցին, թե արդյոք Սերժ Սարգսյանն ընդունել է, որ բացթողումներ եղել են՝ Ա.Քոչարյանը պատասխանեց. «Իհարկե»։

Մանրամասները՝ տեսանյութում

Աղբյուր` Փաստինֆո