Փաստ ինֆո

ՀՀ երրորդ նախագահ Սերժ Սարգսյանը ժամանեց Ազգային ժողով մասնակցելու՝ Ապրիլյան քննիչ հանձնաժողովի նիստին: Նա լրագրողների հետ ճեպազրույցում հայտարարեց, որ եկել է իր խոսելու ժամանակը:

«Ես ձեզնից ավելի շատ եմ շահագրգռված շփվելու լրատվամիջոցների հետ մի պարզ պատճառով, որովհետև ոչինչ չունեմ թաքցնելու և իրոք եկել է ժամանակը, երբ ես պատրաստ եմ պատասխանել հարցերին: Ելնելով սրանից՝ ես դիմել եմ հանձնաժողովին իմ մասնակցությամբ նիստն արտակարգ դրության ավարտից հետո անցկացնելու համար, սակայն հանձնաժողովը նպատակահարմար համարեց նիստն անցկացնել այսօր»,-ասաց Սարգսյանը:

Նա շեշտեց, որ Ապրիլյան քառօրյայի հարցն այնքան կարևոր է, որ ոտքի վրա մեկ-երկու պատասխաններով չի կարող գոհացնել ո՛չ լրատվամիջոցներին, ո՛չ էլ հանրությանը:

«Ուստի ես ձեզ խոստանում եմ արտակարգ դրության ավարտից անմիջապես հետո կհրավիրեմ բոլոր լրատվամիջոցներին ու միայն Ապրիլյան իրադարձությունների հետ կապված կպատասխանեմ հարցերին»,-ասաց ՀՀ երրորդ նախագահը:

Նա նաև շեշտեց, որ մի քանի րոպե հետո իր գրասենյակը հայտարարություն կտարածի:

Աղբյուր` Փաստինֆո