Փաստ ինֆո

Գերմանիայի կանցլեր Անգելա Մերկելը հայտարարել է հաջորդ շաբաթվանից կարանտինային միջոցների մասնակի վերացման մասին: Այս մասին նա հայտարարել Է՝ Բեռլինում բոլոր դաշնային տարածաշրջանների ղեկավարների հետ հանդիպման ժամանակ, գրում Է Bloomberg-ը ։

Մասնավորապես, սահմանափակող միջոցների թուլացումը վերաբերելու է ոչ ավելի, քան 800 քառակուսի մետր մակերեսով խանութներին, հեծանիվներ վաճառող խանութներին եւ գրախանութներին. դրանք աշխատելու են ապրիլի 20 - ից: Գերմանիայի կառավարության ղեկավարը նաեւ հայտարարել Է մայիսի 4-ից դպրոցների եւ վարսավիրանոցների բացման մասին:

Մերկելի խոսքերով ՝ կառավարությանը հաջողվել է որոշակի առաջընթաց գրանցել կորոնավիրուսի դեմ պայքարում, սակայն ձեռքբերումներն այնքան զգալի չեն զգոնությունը կորցնելու համար, ընդգծել է նա:

Կանցլերը կանխատեսել է, որ նորմալ կյանքին վերադառնալը հնարավոր է ոչ շուտ, քան մի քանի շաբաթ կամ ամիս անց: Ընդ որում, ռեստորանները, մարզասրահները եւ բարերը անորոշ ժամանակով փակ կմնան, իսկ խոշոր միջոցառումները, ինչպիսիք են ֆուտբոլային հանդիպումները, համերգները եւ փառատոնները, չեն թույլատրվի մինչեւ օգոստոսի վերջ:

Կարանտինային միջոցները Գերմանիայում կիրառվել են մարտի կեսերին։ Բեռլինում համարում են, որ դրա շնորհիվ հաջողվել է թույլ չտալ համաճարակի զարգացման բացասական սցենարը։

Աղբյուր` Փաստինֆո