Փաստ ինֆո

ՀՀ ԳԱԱ ՄԿՈՒԿ ավագ գիտաշխատող Հարություն Կարապետյանը Ֆեյսբուքի իր էջում գրել է. 

Պարոն Վարչապետ համոզված ենք, որ շատ լավ տեղեկացված եք այն անց ու դարձին, որը կատարվում է այսօր Արցախում: Ավելին, համոզված ենք, որ նախընտրական փուլը, ինչպես նաև ընտրությունների ընթացքը, ներառյալ այսօրվանը, եղել են ու կան Ձեր հովանավորությամբ ու հսկողությամբ: Եթե առանց մանրամասների ու շատ ընդհանուր նշենք՝ իրականացվում է Արցախը  Հայաստանից հնարավորինս տարանջատելու քաղաքականությունը: Անկասկած, դա  Ձեր անձնական որոշումն է: Մնացածը պարզապես շղարշ է, որքան էլ, որ կուրծք ծեծեք՝ հանուն Արցախի հայկական մարզ հանդիսանալու փաստի համար:

Ինչևէ, շատ համառոտ. Այն, ինչ կատարվում է այսօր Արցախում ՀՀ քաղաքացի քաղաքական, հասարակական ու ազգային գործիչ Մանվել Սարգսյանի գործունեության շուրջը՝ ԱԱԾ-ի հետապնդում և արցախցիների ուղեղների լվացում(տես նկարը) բակոյաարայիկյան ռեժիմի պատասխանատվությունը չէ: Այն, նաև Ձեր պատասխանտվությունն է, անկասկած:

Ի դեպ, Մանվել Սարգյանն այսօր Արցախում իր մասնագիտական վերլուծական գործունեությումբ է զբաղված, որով շահագրգռված է հայ հանրությունը:

Տեղեկացնեմ, որ այսօր Արցախի ԱԱԾ-ի աշխատակիցները  Մանվելին վարկաբեկող կեղծ նյութեր են տարածում ու շատ արագ հեռացնում են (որոնցից մեկն էլ բերված «սքրինշոթն է»), ըստ ամենայնի՝ վախից: Այս ամենը կանխատեսելի էր, քանի որ օրեր առաջ նմանատիպ հայտարարություն էր տարածվել, որին կարծում եմ տեղյակ եք, արցախյան գործող ռեժիմի համախոհ ՀՀ նախկին վարչապետ Հրանտ Բագրատյանի կողմից:

Աղբյուր` Փաստինֆո