Փաստ ինֆո

Կոմունալ վճարումների փոխհատուցման ծրագրի շահառու է հանդիսանում 222 հազար բաժանորդ: Այս մասին այսօր մամուլի ասուլիսի ժամանակ «Փաստինֆո»-ի հարցին ի պատասխան ասաց ՀՀ աշխատանքի և սոցիալական հարցերի նախարար Զարուհի Բաթոյանը: Նշենք, որ մասնավորապես խնդրել էինք նշել քանի ընտանիք է փետրվար մսին սպառել մինչև 10 000 դրամի գազ և 5 000 դրամի էլեկտրաէներգիա։

Հարցին արդյոք այս ընթացքում նախարարության թեժ գծերին զանգեր եղել են կումնալ վճարումների հետ կապված, Զարուհի Բաթոյանը պատասխանց. «Չեմ կարող ասել, որ եղել են, որովհետև երբ մարդիկ աջակցության կարիք են հայտնում, տարբեր ոլորտների է վերաբերում:

Կարծում եմ սա կարևոր աջակցություն է հատկապես ավելի խոցելի և սոցիալապես դժվարին վիճակում գտնվող ընտանիքների համար, որովհետև նախ վիճակագրությունը ցույց է տալիս, որ նրանք ամենապարտաճանաչ բաժանորդներից են և երկրորդը սա կարող է նաև շատ կարևոր կանխավճար լինել հետագա ամիսների համար»,-ասաց Զարուհի Բաթոյանը:

Վերջինս հավելեց այն քաղաքացիները, որոնք սոցիալապես անապահով են և ընդգրկված են ընտանեկան կամ սոցիալական նպաստի համակարգում, արդեն ունեն որոշակի սուբսիդավորում և նրանց դեպքում նախարարի խոսքով սա կրկնակի աջակցություն է լինում:

Հիշեցնենք, որ գործադիրը ապրիլի 13-ի նիստում հաստատեց կորոնավիրուսի տնտեսական հետևանքների չեզոքացման 11-րդ միջոցառումը, որով փոխհատուցվելու է այն բաժանորդների կոմունալ վճարումների 50 տոկոսը, որոնք փետրվար ամսին ունեցել են գազի համար մինչև 10 հազար դրամ սպառում, իսկ էլեկտրաէներգիայի համար մինչև 5 հազար դրամ:

Աղբյուր` Փաստինֆո