Փաստ ինֆո

Ազգային ժողովն ընդունել է գրավը որպես ինքնուրույն խափանման միջոց ՀՀ քրեական դատավարության օրենսգրքում ամրագրելու մասին կառավարության ներկայացրած օրինագիծը: 

Հիմնական զեկուցող, արդարադատության նախարարի տեղակալ Սրբուհի Գալյանն ասաց, որ նախագծով առաջարկվում է խափանման բոլոր միջոցները դիտել որպես կալանվորման այլընտրանքային խափանման միջոցներ՝ հնարավորություն ընձեռելով դատավորներին անձի նկատմամբ կալանվորումը որպես խափանման միջոց ընտրելու կամ կալաքի տակ պահելու ժամկետը երկարացնելու միջնորդությունները մերժել, եթե ՀՀ քրեական դատավարության օրենսգրքի 134-րդ հոդվածի առաջին մասով սահմանված նպաակներին հնարավոր է հասնել մեղադրյալի նկատմամբ այլ խափանման միջոցի կիրառմամբ:

«Եթե կոնկրետ դեպքում նշած նպատակներին հնարավոր է հասնել ստորագրություն չհեռանալու մասին կամ գրավ խափանման միջոցները կիրառելով, ապա տվյալ դեպքում կալանավորումը որպես խափանման միջոց ընտրվել չի կարող»,-ասաց Գալյանը:

Նա շեշտեց, որ այսպիսով ապահովվում է կալանվորումը որպես բացառիկ խափանման միջոց ընտրելը:

«Մեղադրյալի նկատմամբ կալանավորումը որպես խափանման միջոց կիրառված լինելու կամ կալանքի տակ պահելու ժամկետը երկարացված լինելու դեպքում դատարանին տրվում է հնարավորություն հետագայում պաշտպանության կողմի միջնորդությամբ թույլատրելի ճանաչել այլ խափանման միջոցների կիրառմամբ նրան կալանքի ազատ արձակելու հնարավորությունը»,-ասաց նախարարի տեղակալը:

Նա ընդգծեց, որ առաջարկվում է գրավը կիրառել ոչ միայն որպես կալանավորման այլընտրանքային խափանման միջոց, այլ նաև որպես ինքնուրույն խափանման միջոց:

«Անկախ նրանից առկա է դատարանի որոշում կալանավորումը որպես խափանման միջոց կիրառելու մասին թե ոչ` անձի նկատմամբ կարող է կիրառվել գրավ, եթե այն անհրաժեշտ ու պիտանի է անձի պատշաճ վարքագիծն ապահովելու համար»,-ասաց Գալյանը:

Նա նաև հայտնեց, որ նախագծով գրավի նվազագույն չափը սահմանվում է 200.000 ՀՀ դրամ, անկախ հանցագործության տեսակից:

«ՀՀ քրեական դատավարության օրենսգրքի 143-րդ հոդվածի 6-րդ մասով ամրագրել վարույթն իրականացնող մարմնի կողմից գրավը չմուծելու հետևանքով դատարան ներկայացված կալանավորման միջնորդության ժամանակ դատարանի կողմից գրավի գումարի չափի նվազեցման հնարավորություն՝ ամրագրելով, որ դատարանի կողմից սահմանված գրավի չափը չմուծելու հետևանքով քրեական հետապնդության մարմնի միջնորդության հիման վրա անփը կարող է կալանավորվել»,-ասաց Գալյանը:

Նախագիծն ընդունվեց ընդունվեց 97 կողմ, 1 դեմ ձայներով:

Աղբյուր` Փաստինֆո