Փաստ ինֆո

Մեկ թե երկու ամիս առաջ միասին նախագծեր էինք բերել, Դուք հայտարարեցիք, որ խնդրում եմ առանձին բերեք, հիմա ասում եք խնդրում եմ միասին բերեք: Խնդրում եմ կողմնորոշվեք՝ միասի՞ն, թե՞ առանձին: Պետք է վերջնական իմանանք՝ ինչ չափանիշներով եք Դուք՝ որպես հանձնաժողովի նախագահ, առաջնորդվում, որպեզի մենք էլ առաջնորդվենք այդ չափանիշներով: Այս մասին այսօր ԱԺ նիստի ժամանակ ասաց «Լուսավոր Հյաստան» խմբակցության պատգամավոր Տարոն Սիմոնյանը՝ անդրադառնալով ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանի դիտարկմանը, թե ԼՀԿ-ն 3 նախագծերը կարող է 1 նախագծի ներքո ներկայացնել:

Խոսելով ԼՀԿ-ի ներկայացրած բոլոր 3 նախագծերի մերժման մասին, նա նշեց, որ հանձնաժողովում նախագծերի հետ կապված քվեարկությունը միակարծիք չի եղել, հանձնաժողովի անդամները տարբեր կարծիքներ են ունեցել, գիտական համայնքը տվել է իր կարծիքը:

«Ձեր կողմից նշված հիմնավորումներին տրվել են պատասխաններ և դրանք եղել են հիմնավոր, դուք եկել, ամբիոնի մոտ կանգանած լրիվ այլ նախագծերի մասին եք խոսում ու տպավորություն եք ստեղծում, թե առաջարկվող իրավակարգավորումը ձեր ներկայացրած նախագիծն է: Խնդրում եմ, հարգելի գործընկերներ կամ մի արեք դա դիտավորությամբ, որովհետև այստեղ այլ բան եմ ես կասկածում, կամ լավ ընթերցեք նախագիծը, ամբողջությամբ հասկացեք էությունը և ապա այս ամբիոնից հասարակությանը հրամցրեք այդ ամենը: Հակառակ պարագայում ստացվում է մի իրավիճակ, որ մենք ինչ լավ նախագիծ էլ բերենք, դուք այստեղ քանակապես շատ եք, 88 հոգով կարող եք հերթով ելույթ ունենալ, խոսել այլ նախագծի մասին ու տպավորություն առաջանա, որ քվեարկության է դրվում այն նախագիծը, որի մասին խոսում եք»,-շեշտեց Սիմոնյանը:

Աղբյուր` Փաստինֆո