Փաստ ինֆո

«Լուսավոր Հայաստանը» միջազգային իրավունքին վերաբերող այս երեք նախագծերը կարող էր մեկ նախագծում ներկայացնել և մենք հնարավորություն կունենայինք այս հարցերի վերաբերյալ ավելի հստակ դիրքորոշում ունենալ: Այս մասին այսօր ԱԺ նիստի ժամանակ ասաց «Իմ քայլը» խմբակցության պատգամավոր, պետաիրավական հարցերի մշտական հանձնաժողովի նախագահ Վլադիմիր Վարդանյանը՝ անդրադառնալով ԼՀԿ խմբակցության կողմից ներկայացված «Քաղաքացիական օրենսգրքում» լրացումներ կատարելու վերաբերյալ երեք նախագծերին, որոնք չընդգրկվեցին նիստերի օրակարգում:

Նա նշեց, որ ուզում է տպավորություն չստեղծվի, թե ինչ-որ եղանակով ցանկանում են անչափահաս ծնողների իրավունքները կամ ՀՀ քաղաքացիների շահերը ոտնահարել:

«Ծնողը կարող է ամուսնացած չլինի և նրա գործունակություոնը պետք է փոխկապակցված լինի ծնող դառնալու տարիքի հետ և ոչ թե ամուսնացած լինել-չլինելու հետ»,-ասաց Վարդնայնը:

Անդրադառնալով ժառանգության հետ կապված ԼՀԿ-ի առաջարկին, ըստ որի առաջարկվում է ժառանգության նկատմամբ կիրառվում է ժառանգատուի քաղաքացիության իրավունքը, եթե այլ բան իր կտակում գրված չէ, Պետաիրավական հարցերի մշտական հանձնաժողովի նախագահն ասաց. «Յուրաքանչյուր երկիր ունի իր միջազգային մասանվոր իրավունքի կոլիզիոն նորմերի համակարգը, որոնք հենց կոլիզիոն են կոչվում, քանի որ փորձում են լուծել այն բախումները, որ կարող են լինել տարբեր երկրների օրենսդրություններում: Եթե հիմա մենք նախատեսում ենք մի կարգավորում, որը միայն մեզ մոտ է գործելու, դա իրոք անիպիտան է դառնալու ու հաջողության չի հասնելու»:

Աղբյուր` Փաստինֆո