Փաստ ինֆո

Հիմա «Մարս ավիա» ավիաընկերության գործունեությունն է կասեցվել: Այս մասին այսօր մամուլի ասուլիսի ժամանակ ասաց Քաղավիացիայի կոմիտեի նախագահ Տաթևիկ Ռևազյանը:

«Եթե վաղը մեզ չներկայացնի, որ թերություններն արդեն վերացրել է, մայիսի 1-ով այդ ընկերությունը փակվում է, ինչը նշանակում է այլևս չենք ունենալու ավիաընկերություն, որը թեռիչքներ է իրականացնելու Աֆրիկայում: Դա մեր կողմից շատ լուրջ որոշում է եղել, և մենք կարողացել ենք այդ ամեն ինչն անել, որովհետև ներգրավել ենք Հոլանդիայից մասնագետ, ով եկել և մեր տեսուչներին ուղղություն է տվել ինչպիսի փոփոխություններ պետք է անենք մեր տեսչական ստուգումներում, որ նկատենք այն բոլոր խնդիրները, որոնք կարող են ազդել թռիչքային անվտանգության վրա»,-ասաց Տաթևիկ Ռևազյանը ընդգծելով, որ այսօր արդեն տեսչական ստուգումների մակարդակը բարձրացվել է, բայց դեռևս անցնելու երկար ճանապարհ կա:

ՔԱԿ նախագահը նաև նշեց, որ երբ սկսեցին ուսումնասիրել, թե ինչպես են իրականացվել տեսչական ստուգումներն այն ավիաընկերությունների, որոնք գրանցված են Հայաստանում, սակայն չվերթներ են իրականացնում այլ պետություններում և Աֆրիկայում, հասկացել են, որ ՔԱԿ-ը որևէ ժամանակահատվածում այդ պետությունների քաղավիացիաների հետ ուղիղ կապ չի ունեցել. «Մենք կախված ենք եղել, որ ավիաընկերությունը կազմակերպի այցը,այսինքն` անկախ տեսչական ստուգումներ չենք իրականացնել: Հաշվի առնելով, որ մենք իրոք չենք կարող դա պատշաճ անել, կոնկրետ քայլեր էլ ենք արել այդ ուղղությամբ, որ ապագայում էլ ավիաընկերությունները չկարողանան գրանցվել Հայաստանում և չվերթներ իրականացնեն Աֆրիկայում»,-ասաց Տաթևիկ Ռևազյանը:

Աղբյուր` Փաստինֆո