Փաստ ինֆո

200-ից ավելի վարորդ պարապուրդի է մատնված և մնացել է առանց աշխատավարձի, որոնց մի մասն այսօր բողոքի ակցիա էր իրականացնում։

«Մեզնից պահանջում են, ասում են՝ մնացեք տանը: Ընդունում ենք, մնում ենք տանը: Բա մեր համար ո՞վ է մնում տանը, մեզ համար ի՞նչ են անում: Կոնկրետ ես միակ աշխատողն եմ, յոթ շունչ է տանը, մեկ տարեկան երեխա կա տանը, ես ինչով եմ պահելու այդ երեխուն»,- ասաց նա: Վարորդի խոսքով՝ թեև գրանցված աշխատողներ են, բայց աշխատավարձ չեն ստացել:

«Կառավարությունն ասում է դիմելու կարիք չկա, մենք կփոխանցենք ձեր հիմնարկ-ձեռնարկությանը, ձեր հիմնարկ ձեռնարկությունը ձեզ տեղյակ կպահի, որևէ բանկի վրա կփոխանցի գումարը,կգնաք կստանաք: Եթե կառավարությունը չի փոխանցել հիմնարկ ձեռնարկությանը, մենք ում դիմենք»,- ասաց վարորդների մեկը:

Անդրադառնալով՝ որոշմանը, որի համաձայն 10000 դրամը չգերազանցող գազի վարձ ունեցող անձանց կտրամադրվի գումարի կեսը, վարորդներից մեկը նշեց. «Ես չեմ ունեցել գումար, ուրիշ տեղ չեմ ունեցել ապրելու, դաչա չեմ ունեցել: Այդ մի բնակարանի մեջ եմ, մատղաշ երեխան էլ մինչև հիմա այդ տան մեջ է: Ստիպված վառել եմ գազը, 10,000-ն անցել է: Ով որ ունի հարստություն, դաչայում է եղել, 10 հազարը չի անցել, պետությունը դրան հատկացնում է գումարը, բայց իմը 30,000-ն անցել է, ինձ ոչինչ չպե՞տք է տա»:

Վարորդները փորձում են հասկանալ, թե աջակցության որ կետի մեջ կարող են տեղավորվել և ստանալ օրվա հացի գումարը: Վարորդներից մեկն էլ ասաց.«Գիտե՞ս ինչ է մնում: Գնամ վիրահատվեմ, հղիանամ, գնամ փողը ստանամ»:

Աղբյուր` Փաստինֆո