Փաստ ինֆո

Կառավարությունն այսօրվա արտահերթ նիստում հաստատեց կորոնավիրուսի տնտեսական հետևանքների չեզոքացման 11-րդ միջոցառումը:

Հարցը զեկուցեց ՀՀ փոխվարչապետ Մհեր Գրիգորյանը: Նախագծի շահառու են ճանաչվում բոլոր այն անձինք, որոնց փետրվար ամսվա ծախսը գազի գծով կազմել է ոչ ավել, քան 10 հազար դրամ, իսկ էլեկտրաէներգիայի գծով ծախսը կազմել է մինչև 5 հազար դրամ. «Պետությունն այս ծրագրով օժանդակում է բոլոր բաժանորդներին անկախ ժամկետանց պարտք ունենալ կամ չունենալու հանգամանքից: Համապատասխանաբար փոխանցումը միանգամից փոխանցումն իրականացվում է կոմունալ ծառայությունը մատուցող ընկերությանը: Ովքեր ունեն պարտք համապատասխան չափով կնվազեցվի պարտքերը, ովքեր պարտք չունեն, իրենց մոտ կառաջանա կանխավճար և ապագա վճարումներն այդքան գումարով կնվազեցվեն: Իմպլեմենտացիան կիրականացվի շատ արագ: Դիմելու ենք Հանրային ծառայությունները կարգավորող հանձնաժողովին: Հանձնաժողովը մեկ-երկու օրվա ընթացքում կոմունալ ծառայությունները մատուցող ընկերությունների հետ կճշգրտի ցուցակները, և վճարումները կիրականացնի»,-ասաց փոխվարչապետը:

ՀՀ վարչապետ Նիկոլ Փաշինյանը նշեց, որ փետրվար ամսվա դրությամբ գազի համար 10 հազար դրամ ծախս ունեցող բաժանորդների, էլեկտրաէներգիայի համար մինչև 5 հազար դրամ սպառում ունեցած բաժանորդների գումարի կեսը կառավարությունը փոխհատուցում է. «Նրանք, ովքեր վճարել են կոմունալները, նրանց համար կձևավորվի այդքան մասով կանխավճար, ովքեր չեն վճարել, այդքանով կնվազի»,-ասաց Նիկոլ Փաշինյանը:

Աղբյուր` Փաստինֆո