Փաստ ինֆո

Ավիատոր, ՀՀ վարչապետի ավիացիայի գծով նախկին խորհրդական Հակոբ Ճաղարյանը «Երկիր մեդիա» հեռուստաընկերության եթերում ասել է միջազգային ավիացիոն կազմակերպության Հայաստանի քաղավիացիայի վերաբերյալ կազմած զեկույցին ծանոթ է, սակայն իրավասու չէ այն հրապարակել:

Հակոբ Ճաղարյանը ընդգծել է զեկույցում բոլոր ոլորտներում կատարված հետազոտություններն ունեն նկատողություններ և միջազգային կարգավորումներին անհամատեղություններ. «Այն աստիճան, որ լրատվամիջոցներից մեկում հրապարակված փաստաթուղթը, թե ինչու են հայկական ավիաընկերություններին զրկել Եվրոպա թռիչքներ կատարելու իրավունքից, նշում է շատ վիրավորական մի փաստ, որ Հայաստանը որպես շահագործող երկիր ի վիճակի չէ սերտիֆիկացնել օդանավերը և ավիաընկերություններին, վերահսկել թռիչքային անվտանգությունը համապատասխան միջազգայնորեն ընդունված կանոնակարգի: Սա նշանակում է, որ ՔԱԿ-ն իրենց պարտականությունները վերջին երկու տարվա ընթացքում չեն կատարել կամ ոչ պատշաճ կերպով են կատարել»,-ասաց Հակոբ Ճաղարյանը:

Հարցին ՔԱԿ նախագահ Տաթևիկ Ռևազյանը տեղեկացված եղել է, թե ոչ, վարչապետի նախկին խորհրդականն ասաց. «Կարծում եմ եղել է կամ էլ չի եղել, բայց դա նշանակություն չունի: Երբ չկա համակարգը, երբ չկան իրավասու մարմինները, երբ չկան պատասխանատու գործառույթ կատարողները, ամեն պարագայում այդ թերացումները պիտի լինեին և չէին կարող չլինել»,-հավելեց Հակոբ Ճաղարյանը:

Հարցին Հայաստանն այժմ սև ցուցակում է, թե այդ ուղու վրա է, Հակոբ Ճաղարյանն ասաց. «Մենք այդ ուղու վերջնագծին ենք»:

Աղբյուր` Փաստինֆո