Փաստ ինֆո

«Դեղերի մասին օրենքում» փոփոխություն կատարելու օրինագիծը բացահայտեց մի շատ կարևոր նյուանս, որի մասին բոլորս էլ ահազանգեր ենք ստանում․ խոսքն այն փաստաթղթերի մասին է, որոնց ժամկետները ՀՀ քաղաքացիներն այս արտակարգ դրության իրավիճակում հնարավորություն չունեն երկարացնել՝ սկսած անձնագրերից, վերջացրած տարբեր տեղեկանքներով, որոնք տրվում են տարբեր գերատեսչությունների կողմից։ Այս մասին այսօր ԱԺ-ում ասաց «Բարգավաճ Հայաստան» խմբակցության քարտուղար Արման Աբովյանը:

Նա նշեց, որ ուսումնասիրել է հարցը, այն ունի մի քանի լուծման տարբերակ, որոնցից ամենակարճ լուծման տարբերակն իշխանության կողմից հատուկ որոշումների ցանկն է:
«Պետք է անպայման ինչ-որ մեխանիզմ գտնենք, որ այն փաստաթղթերն ու տեղեկանքները, որոնց ժամկետը արտակարգ դրության ժամանակ լրանում է, ևս երկարձգվեն, մանավանդ որ կան տեղեկանքներ, որոնք ստանալու համար մարդիկ պետական վճարումներ էին անում և հիմա օբյեկտիվ պատճառներով չեն կարողանում այս կամ այն գերատեսչություն ներկայացնել»,- շեշտեց Աբովյանը:

Աղբյուր` Փաստինֆո