Փաստ ինֆո

Իրանն ուսումնասիրում է այն հավանականությունը, որ COVID-19 կորոնավիրուսն իր ծագմամբ կարող է լինել կենսաբանական պատերազմի միջոց, հայտարարել է Իրանի ԶՈՒ գլխավոր շտաբի առողջապահության վարչության պետ Հասան Արագհիզադեհը:

Նա Mehr գործակալությանը հայտնել է, որ իրանական գիտական կենտրոնները, ինչպես եւ աշխարհի մյուս երկրները, հետազոտություններ են անցկացնում այս խնդրի շուրջ, սակայն կոնկրետ եզրակացության համար այստեղ ավելի շատ ժամանակ եւ ջանքեր են հարկավոր:

Միեւնույն ժամանակ հրամանատարը հավաստիացրել է, որ Իրանի զինված ուժերը բավարար հնարավորություններ ունեն բացահայտելու ցանկացած կենսաբանական վտանգ եւ միջոցներ ձեռնարկելու կենսաահաբեկչության հավանական գործողության դեմ:

Ապրիլի 11-ի դրությամբ տեղեկատվության համաձայն՝ Իրանում կորոնավիրուսով վարակվածների ընդհանուր թիվը գերազանցել է 70 հազարը՝ օրական 1837-ով աճի դեպքում: Ընդհանուր առմամբ, 4357 մարդ մահացել է, նրանցից 125 - ը՝ անցած օրվա ընթացքում:

Սակայն ավելի վաղ այս շաբաթվա ընթացքում Իրանի իշխանությունները հայտարարել էին, որ երկրում կորոնավիրուսով հիվանդանալու նոր դեպքերի թիվն աստիճանաբար նվազում է:

Իր հերթին Իրանի նախագահ Հասան Ռոհանին հիվանդության դեմ պայքարի շտաբի նիստի ժամանակ ընդգծել է, որ իր երկիրը ստիպված է գործ ունենալ ոչ միայն covid-19 կորոնավիրուսի համաճարակի, այլեւ պատժամիջոցների հետ, սակայն իրենց հաջողվում է ավելի լավ զսպել վարակը, քան Եվրոպայի երկրներին:

Այնուամենայնիվ, նա ընդգծել է, որ երկրում սահմանափակող միջոցառումները կշարունակեն գործել ընդհուպ մինչեւ կորոնավիրուսի վերացումը, ուստի, հնարավոր է, զանգվածային կրոնական հավաքներն ու ծիսակատարությունները՝ մահմեդականների համար սրբազան Ռամադան ամսում, որը սկսվում է ապրիլի 25-ից, կարող են չեղարկվել:

Աղբյուր` Փաստինֆո