Փաստ ինֆո

Ընդունելի չէ, որ տաքսիստներն ուղևորափոխադրում են իրականացնում՝ առանց դիմակի և ձեռնոցների, բայց այս հարցը գտնվում են անձնական պատասխանատվության դաշտում: Այս մասին այսօր հրավիրված ասուլիսում ասաց Երևանի քաղաքապետի տեղակալ Սերգեյ Հարությունյանը:

«Դիմակ կրելը մեր բոլորի պարտավորությունն է, երբ գտնվում ենք փակ տարածքում: Դա մեր և դիմացինի անվտանգության համար է, դիմակ կրելը փոխադարձ հարգանքի քայլ է, որովհետև առաջին հերթին մտածում եք դիմացինին չվարակեք, մյուս կողմից էլ, պաշտպանվում եք, որ ձեզ չվարակեն»,-ասաց Հարությունյանը:

Նա ընդգծեց, որ տաքսին մասնավոր սեկտոր է և կան մեքենաներ, որոնք կանոնակարգված, հաշվառված չեն. «Կան բազմաթիվ մեքենաներ, որ հատուկ նշան չունեն,բայց ուղևորափոխադրում են իրականացնում, նրանց պետք է հորդորել ու տեղեկացնել, որ աշխատանքները ձեռնոցներով ու դիմակով իրականացնեն»:

Անդրադառնալով տրանսպորտային խնդիրներին, նա ընդգծեց, որ վարորդները՝ գիտակցելով, որ մեքենաների քանակը քչացել է, վթարային ու արկածախնդիր ձևով են վարում մեքենաները:

«Այն խախտումները, որ տեղում եմ աշխատանքի գնալիս կամ տուն վերադառնալիս, դրանք սովորական օրերին չէին արվում, իսկ հիմա մարդիկ հանգիստ են, որ մեքենաներն ավելի քիչ են»,-նշեց Հարությունյանը

Աղբյուր` Փաստինֆո