Փաստ ինֆո

Հանգստանալու ժամանակը չէ: Չնայած Իտալիայից և Իսպանիայից համեմատաբար դրական լուրերին, Առողջապահության համաշխարհային կազմակերպությունը նախազգուշացնում է աշխարհում բնակչության զգալի մասի վրա դրված սահմանափակումների վերացման վտանգների մասին: Հնարավոր է որոշ երկրներում կորոնավիրուսը նահանջել է, բայց այն դեռ հաղթահարված չէ: Գրում է Եվրոնյուզը:

Առողջապահության համաշխարհային կազմակերպության եվրոպական տարածաշրջանային բյուրոյի տնօրեն Հանս Անրի Կլյուգեն ասել է. «Այժմ սահմանափակումները մեղմելու ժամանակը չէ: Հիմա ժամանակն է դրանք կրկնապատկելու և եռապատկելու համատեղ ջանքերը: Կոչ եմ անում բոլոր երկրներին անկախ իրենց ներկայիս իրավիճակից ուժեղացնել աշխատանքները երեք ուղղություններով»:

Ըստ ԱՀԿ-ի այդ երեք ուղղություններն են` կրթել և վերապատրաստել բժշկական անձնակազմին, շարունակել կարանտինը և ինքնամեկուսացումը, ինչպես նաև փնտրել վարակի բուժման ուղիներ և կիսվել դրանով աշխարհի հետ:

Հիվանդությունների կանխարգելման և վերահսկման եվրոպական կենտրոնն ընդգծում է, որ համաճարակն ամբողջ աշխարհում դեռ պիկին չի հասել: Չնայած Իսպանիայում և Իտալիայում խոսում են արդեն կայունացման մասին, բայց համաճարակը դեռ նոր է սկսվում այնպիսի երկրներում, ինչպիսին են Թուրքիան և Շվեդիան:

Աղբյուր` Փաստինֆո