Փաստ ինֆո

«Այլընտրանք» ՀԿ համանախագահ Նարեկ Մանթաշյանն այսօր հայտարարել է, որ դատավոր Աննա Դանիբեկյանի առողջական վիճակի հետ կապված ստացել են նամակ, որում շատ հիմնավոր թվացող ինֆորմացիա կա:

«Այստեղ պարունակվող ողջ ինֆորմացիան խոսում է այն մասին, որ մենք, լավ ճանաչելով այսօրվա իշխանության ձեռագիրը, ամբողջությամբ ստիպված ենք հավատալ այս ինֆորմացիային, որով այս պահին ցանկանում եմ կիսվել ձեզ հետ»,– այս մասին այսօր հրավիրված ասուլիսում ասաց Մանթաշյանը:

Նա ընթերցեց «Այլընտրանք» ՀԿ-ի էլեկտրոնային փոստին ստացված նամակը.

«Ձեզ եմ գրում Ռուսաստանից։ Չնայած սփյուռքում եմ, բայց ինձ շատ են մտահոգում այն ապօրինությունները, որոնք տեղի են ունենում Հայաստանում ՀՀ երկրորդ նախագահ Ռոբերտ Քոչարյանի նկատմամբ։ Հենց դա է պատճառը, որ որոշել եմ իմ ունեցած ինֆորմացիայով կիսվել ձեզ հետ։ Ինչպես գիտեք՝ Ռոբերտ Քոչարյանի խափանման միջոցը փոխելու վերաբերյալ միջնորդությունը արդեն տեւական ժամանակ է քննության չի առնվում զուտ այն պատճառով, որ դատավոր Աննա Դանիբեկյանը հայտարարել է, որ ունի առողջական խնդիրներ եւ չի ներկայանում դատավարությանը, իսկ իշխանություններն էլ չեն ցանկանում, որ այլ դատավոր քննի այդ միջնորդությունը։ Հիմա անդրադառնամ Աննա Դանիբեկյանի առողջական խնդիրներին։ Չնայած նրան, որ տարածվել է ինֆորմացիա, իբր Դանիբեկյանն ունեցել է անհապաղ վիրահատության կարիք, ես տեղեկացել եմ, որ նա ընդամենը պետպատվերի շրջանակներում այցելել է X բժշկական կենտրոն և արել քթի պլաստիկ վիրահատություն։ Կարծում եմ, որ բոլորիդ համար պարզ է, որ սա անհապաղ բժշկական միջամտության կարիք ունեցող վիրահատություն չէ, մեղմ ասած՝ ծիծաղելի է։ Նրա անկետան այդ բժշկական կենտրոնում բացվել է մարտի 13-ին եւ փակվել մարտի 20-ին, բայց նա մնացել է այնտեղ ընդամենը 5 օր, իսկ դրանից հետո այցելել է ընդամենը երկու անգամ։ Ինչպես բոլոր քթի վիրահատությունների դեպքում՝ առաջին վիրահատության ընթացքում հանվել են տամպոնները, իսկ երկրորդում՝ ամրակապերը...»:

Նամակի հեղինակը նշել է նաև, որ եթե դատավոր Դանիբեկյանը կամ մեկ այլ անձ փորձի հերքել իր հրապարակած տեղեկատվությունը, ապա ինքը կներկայացնի անհերքելի ապացույցներ:

Մանթաշյանն արձանագրել է, որ Աննա Դանիբեկյանի քթի պլաստիկ վիրահատության պատճառով Քոչարյանին վերաբերելի անհապաղ քննության ենթակա գործը հետաձգվել է, որից հետո Քոչարյանին տեղափոխել են ՔԿՀ՝ հաշվի չառնելով բժիշկների եզրակացությունները:

Մանրամասները՝ տեսանյութում։

Աղբյուր` Փաստինֆո