Փաստ ինֆո

ՀՀ վարչապետ Նիկոլ Փաշինյանի ավիացիոն գծով նախկին խորհրդական Հակոբ Ճաղարյանը հրավիրվել է ԱԱԾ: Այս տեղեկատվությունը լրատվամիջոցների հետ զրույցում հաստատել է Հակոբ Ճաղարյանի կինը:

«Փաստինֆո»-ի հարցին ի պատասխան ԱԱԾ լրատվական ծառայությունից խոստացան ավելի ուշ տեղեկացնել Հակոբ Ճաղարյանը հրավիրված է ԱԱԾ, թե ոչ և ինչ նպատակով: «Փաստինֆո»-ն փորձեց կապ հաստատել Հակոբ Ճաղարյանի հետ, սակայն վերջինս զանգերին չի պատասխանում:

Նշենք, որ Հակոբ Ճաղարյանի աշխատանքից ազատվելու մասին հայտնի դարձավ երեկ։ Վերջինս հատարարել է, որ դիմումը գրել էր դեռ մեկ շաբաթ առաջ ու նշել, որ իր որոշման հիմքերը հանդիսանում են քաղաքացիական ավիացիայի հանդեպ ցուցաբերվող կարծանիչ, քայքայիչ և ապապետական մոտեցումները:

«Նախորդ Շաբաթ օրը Ապրիլի 4-ին ես վարչապետին գրելեմ իմ վերջին զեկույցը, որտեղ հերթական և վերջին անգամ բացատրել եմ

- հայկական քաղավիացիայի ԻՐԱԿԱՆ իրավիճակը, առանց ստերի և իրականության աղավաղման;

- հերթական անգամ պարզաբանել եմ այս վիճակում հայտնվելու իրական պատճառները;

- և նշել եմ այս ճգնաժամից դուրս գալու ուղիները

Զեկույցում առաջարկել եմ թույլ տալ վերջապես գրագետ, կազմակերպված, և երկիրն ու ոլորտը սիրող, անվարձահատույց աշխատանքի պատրաստ, իրական մասնագետների թիմի հետ լծվել իրավիճակի շտկմանը:

Հակառակ դեպքում ընդունել իմ հրաժարականը:

Համաձայն օրենքի, հրաժարականիս պաշտոնական գրավոր դիմումը երկայացրել եմ Երկուշաբթի, Ապրիլի 6-ին»,- ֆեյսբուքում գրել է Հակոբ Ճաղարյանը:

Վերջինս ընդգծել է` հրաժարվում է տաքուկ տեղ գտած, անհաղորդ խորհուրդներով «խորհրդականի» անպիտան կարգավիճակից:

Հեղինակ՝ Հասմիկ Կոշկարյան

Աղբյուր` Փաստինֆո