Փաստ ինֆո

Հայնսբերգից վիրուսաբան Հենդրիկ Շտրեքի թիմի հետազոտության արդյունքները լիովին շուռ են տվել նոր կորոնավիրուսային վարակի փոխանցման ուղիների մասին պատկերացումները, գրում է «Московоский комсомолец»-ը:

Մանրակրկիտ հետազոտելով COVID-19 կորոնավիրուսով վարակվածների բնակարանները Հայնսբերգ քաղաքում, որտեղ համաճարակը սկսվել է գերմանական այլ քաղաքներից վաղ եւ որտեղ շատ հիվանդներ կան, գիտնականները հանգել են այն եզրակացության, որ կենսունակ վիրուսներ մակերեսների վրա չկան՝ միայն անկենսունակներն են:

«ՄԿ» - ի մեկնաբանին տված հարցազրույցում՝ բժշկական մակաբուծաբանության, արևադարձային և փոխանցումային հիվանդությունների ինստիտուտի, Ե.Ի. Մարցինովսկի Սեչենովսկու անվան բժշկական համալսարանի տնօրեն Ալեքսանդր Լուկաշևը պատմել է, որ դա կարող է դառնալ համաճարակաբանության բնագավառի կարևոր հայտնագործությունը:

Ոչ դռան բռնակների վրա, ոչ ջրթափ բաքերի սեղմակների վրա, ոչ էլ կատուների վրա՝ Հենդրիկ Շտրեքի թիմի վիրուսաբանները չեն հայտնաբերել այն։ Նույնիսկ այն տներում, որտեղ բոլորը վարակված էին, ոչ մի կենսունակ վիրուս չի հայտնաբերվել մակերեսների վրա: Առավել հաճախ վարակը փոխանցվել է մեծ թվով հյուրերի ընդունելության, երեկույթների եւ տոների ժամանակ: Վարսավիրանոցում, սուպերմարկետում, հագուստի խանութում վարակվել հնարավոր չէ, և վիրուսաբանը տարակուսում է, թե ինչու է սուպերմարկետներին կարելի աշխատել, իսկ վարսավիրանոցն ու հագուստի խանութները պետք է փակվեն։ Նա նաեւ տարակուսանք է հայտնում, թե ինչու է նման հետազոտությունը, որը վարում է իր թիմը (թմի գլխավոր նպատակներից մեկը՝ առանց ախտանիշների հիվանդների թիվը պարզելն է, ովքեր, հետևաբար, չեն ընդգրկվում մաթեմատիկական մոդելների մեջ, որոնցով բոլորն այժմ առաջնորդվում են). և այսպես, ինչո՞ւ նման հետազոտություն չի սկսել վարել Ռոբերտ Կոխի դաշնային ինստիտուտը, որի անմիջական պարտականությունն էր անմիջապես գործարկել այն: Նա նաեւ նշել է, որ մոդելավորման ժամանակ մենք ստանում ենք սխալ կանխատեսում ՝ մաթեմատիկական մոդելը պիտանի չէ ։

Ալեքսանդր Նիկոլաեւիչ Լուկաշեւը «ՄԿ»- ին պատմել է, որ նման փորձառու թիմի հետազոտությանը չվստահելու որեւէ հիմք չկա:

Ուսումնասիրությունը շատ կարեւոր է վիրուսի համաճարակաբանությունը հասկանալու համար, այն, իրոք, թույլ է տալիս մեզ բացառել վիրուսի փոխանցման որոշ ուղիներ: Չնայած, իհարկե, խորհուրդ կտայի զգուշություն ցուցաբերել և չդադարել ձեռքերը լվանալը և ընդհանրապես ուշադիր լինել։ Հնարավոր է, որ այդ արդյունքները թույլ կտան մեզ վերանայել որոշ կոնկրետ միջոցառումներ, որոնք մենք ձեռնարկում ենք վիրուսի դեմ պաշտպանվելիս:

Բայց մենք ամեն դեպքում չենք կարող բացառել դրանք ամբողջությամբ։ Միեւնույն է, կմնան գործունեության բազմաթիվ ոլորտներ, որտեղ մեծ թվով մարդկանց միջեւ սերտ շփում է տեղի ունենում՝ ռեստորաններ, սրճարաններ, վարսավիրանոցներ, գեղեցկության սրահներ, որտեղ վիրուսի փոխանցումը հնարավոր է միայն մարդկանց միջեւ սերտ շփումների պատճառով: Հետեւաբար, եթե նույնիսկ բացառվում է փոխանցումը վարակված մակերեսների միջոցով, ամեն դեպքում, շփման ընթացքում մարդկանց միջև մեկ ու կես մետրից պակաս հեռավորության դեպքում վիրուսը փոխանցվում է: Եվ այս գիտելիքը թույլ չի տալիս մեզ անմիջապես վերադառնալ նորմալ կյանքի:

Աղբյուր` Փաստինֆո