Փաստ ինֆո

ԱԺ աշխատակազմը մարտ ամսվա պարգուատրումն ստացել է, թեեւ վարչապետը երեկ հայտարարել է, թե իր որոշմամբ բարձրաստիճան պաշտոնյաները մարտ ամսվա պարգեւավճարների գումարները չեն ստանալու:

Այսպես` ԱԺ աշխատակազմի ղեկավար Տիգրան Գալստյանը երեկ հայտարարել է, որ ՀՀ Ազգային ժողովի աշխատակազմի աշխատակիցները պարգևատրվել են մարտ ամսվա համար եւ որ կորոնավիրուսի դեմ պայքարի հաշվեհամարին փոխանցվում է երկրորդ եռամսյակի պարգեւատրման ֆոնդը:

«ՀՀ Ազգային Ժողովի աշխատակազմի երկրորդ եռամսյակի(ապրիլ, մայիս, հունիս) շուրջ 700 աշխատակիցների և պատգամավորների պարգևատրման ֆոնդը ԱՄԲՈՂՋՈՒԹՅԱՄԲ, փոխանցվում է` «Ֆիզիկական անձանց եւ կազմակերպությունների նվիրաբերությունից պետությանը, կորոնավիրուսային վարակի (COVID-19) կանխարգելման եւ հաղթահարման ապահովման համար ֆինանսական աջակցություն» գանձապետական հաշվեհամարին:

Ավելի վաղ, ՀՀ ԱԺ նախագահ Արարատ Միրզոյանի նախաձեռնությամբ, և ՀՀ ԱԺ պատգամավորների համաձայնությամբ նույն հաշվեհամարին է փոխանցվել պատգամավորների մարտ ամսվա պարգևատրումներների ֆոնդը:�Նշեմ որ պարգևատրման ֆոնդը կազմում է աշխատավարձի ֆոնդի 30%-ը, թե պատգամավորների, և թե աշխատակազմի աշխատակիցների համար:

Տեղ գտած թերընբռնումներից խուսափելու համար պետք է նշեմ, որ այսօր ՀՀ Ազգային ժողովի աշխատակազմի աշխատակիցները պարգևատրվել են մարտ ամսվա լիարժեք և արդյունավետ աշխատանքի համար էր, և այն որևէ կապ չունի առաջիկա եռամսյա պարգևատրման ֆոնդի փոխանցման հետ: Այն ամբողջությամբ իրականացվել է», - ֆեյսբուքում գրել է Գալստյանը:

Մինչդեռ, հիշեցնենք, ֆեյսբուքյան ուղիղ եթերում վարչապետ Փաշինյանը երեկ հայտարարել էր, որ իր որոշմամբ մարտ ամսին բարձրաստիճան պաշտոնյաները պարգևավճար չեն ստանալու ու այդ գումարներն օգտագործվելու է կորոնավիրուսի դեմ պայքարի համար։

Աղբյուր` Փաստինֆո