Փաստ ինֆո

Ազգային ժողովի ֆինասավարկային և բյուջետային հարցերի մշտական հանձնաժողովում այսօր քննարկվել է Հայաստանի Հանրապետության ու Վերակառուցման և զարգացման միջազգային բանկի միջև «Կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորում» վարկային համաձայնագիրը վավերացնելու մասին նախագիծը:

Հիմնական զեկուցող Տարածքային կառավարման և ենթակոռւոցվածքների նախարար Սուրեն Պապիկյանի տեղեկացմամբ` համաձայնագրի շրջանակում առաջին վարկային ծրագրի միջոցները կազմել են շուրջ 170 մլն Եվրո:

«Այդ ծրագրի շրջանակում իրականցվել է շուրջ 211 կմ ճանպարհի հիմնանորոգում հիմնականում համայնքներում և սա կենսական նշանակություն ունի հեռավոր համայնքների բնակիչների համար։ 211 կմ-ից 41-ը կատարվել է խնայված միջոցների հաշվին: Վարկային համաձայնագրի հաջորդ փուլը ստորագրվել է 2019 թ․ հոկտեմբերի 10-ին: Համաձայնագրով բանկը ՀՀ-ին տրամադրում է 13 մլն 400 հազար եվրո գումար` կենսական նշանակության ճանպարհային ցանցի բարելավման և ծրագրի իրականացան համար»,-ասաց Պապիկյանը:

Նրա խոսքով՝ ծրագրի երկրորդ փուլով նախատեսվում է իրականցնել 65 կմ ճանապարհի հիմնանորգում, հիմնանորգվող ճանպարհների ցանկը արդեն իսկ կցված է:

«Նախագծանախահաշվիային հիմնական աշխատանքներն ավարտված են և համաձայնագրի վավերացումից անմիջապես հետո կհայտարվեն նաև մրցույթները` 65 կմ-ի համար և աշխատանքների հիմնական հատվածը հնարավոր կլինի իրականացնել այս տարի»,-ասաց նախարարը:
Պապիկյանը տեղեկացրեց, որ կառավարության կողմից կա հստակ դիրքորոշում, որ կապիտալ ծախսերին ուղղված միջոցները պիտի հնարվորինս ծախսվեն ըստ նպատակային նշանակության։
Սուրեն Պապիկյանը նաև նշեց, որ աշխատանքներն իրականացվելու են Արագածոտնի, Արմավիրի, Արարատի, Գեղարքունիքի, Լոռու, Շիրակի և Սյունիքի մարզերում։

«Ցանկացած, Աստված մի արասցե ֆորսմաժորային իրավիճակում, պետք է լինենք ճկուն ու կարողանանք ճիշտ բաշխել միջոցները քաղաքացիների կյանքն ավելի հեշտ դարձնելու ու մարտահավերներին դիմակայելու համար»,-ամփոփելով խոսքն ասաց նա։
Համաձայնագիրն ընդունվեց միաձայն, հանձնաժողովի նիստին ներկա բոլոր անդմները կողմ էին դրան։

Հեղինակ՝ Սոնա Գեւորգյան

Աղբյուր` Փաստինֆո