Փաստ ինֆո

Այսօր ֆեյսբուքյան ուղիղ եթերում ՀՀ վարչապետ Նիկոլ Փաշինյանն անդրադարձել է կեղծ լուրերին ու հայհոյանքնրին։ Նա նշել է, որ, իհարկե, տհաճ է, երբ հայհոյում են իրեն կամ իր ընտանիքի անդամներին, բայց նման երևույթները պատժելը ժողովրդավարության ոտնահարում կլինի։

«Քանի դեռ ՀՀ քաղաքացիներն այդ բովանդակությունը չեն կիսում ու այնքան էլ երջանիկ չեն այդ գրառումներից, դա նշանակում է, որ Կառավարության ու ժողովրդի միջև վստահություն կա, սակայն դուք՝ որպես ընթերցողներ, կարող եք որոշակի միջոցներ ձեռնարկել, օրինակ՝ կեղծ կամ ոչ կոռեկտ լուրեր տարածողների էջն արգելափակել»,-ասաց վարչապետը։

Նա ընդգծեց՝ ժողովրդավարության պայմաններում նման լուրերի դեպքում անելիքը քաղաքացիներինն է, և ոչ թե Կառավարությանը։

«Իմ և Կառավարության անելիքն այդ ոլորտում չեմ տեսնում, բացառությամբ այն դեպքերի, երբ կա ազգային անվտանգությանը սպառնացող տեղեկատվություն, որը քրեական տիրույթում է, իսկ երբ կա պարզաբանման կարիք ունեցող զրպարտություն, այդ դեպքում չի բացառվում, որ կարող են լինել քաղաքացիական հայցեր․․․հայհոյում են, ինչքան ուզում են թող հայհոյեն, կարևորն այն է, թե ՀՀ քաղաքացիների քանի տոկոսն է կիսում այդ հայհոյանքը»,-ասաց Փաշինյանը»։

Մանրամասները՝ տեսանյութում

Աղբյուր` Փաստինֆո