Փաստ ինֆո

«Ռոսատոմ» Պետկորպորացիայի մասնակցությամբ ստեղծված «Ստերիոն» ԲԸ-ն ավելի քան 58 մլն. բժշկական դիմակ մանրէազերծելու պայմանագիր է կնքել «Դելռուս» ընկերության հետ:

«Դելռուս»-ն իրականացնում է ստերիլ դիմակների մատակարարում՝ ռուսաստանյան բժշկական հիմնարկներ: Նախքան օգտագործելը դիմակների մանրէազերծումը պայմանավորված է այն հանգամանքով, որ դիմակի ներքին մակերևությները շփվում են մարդու լորձաթաղանթների հետ:

«Ռոսատոմ» Պետկորպորացիայի գլխավոր տնօրեն Ալեքսեյ Լիխաչյովի խոսքով, ճառագայթային տեխնոլոգիաների կիրառմամբ իրականցված մանրէազերծումն ապահովում է մշակված բժշկական արտադրանքի երաշխավորված անվտանգությունը, ինչը հատկապես կարևոր է ներկա համավարակի պայմաններում:

«Ստերիոն» ընկերությունում արդեն մշակվել է արտադրանքի առաջին խմբաքանակը՝ 92 հազար դիմակ: Ձեռնարկությունը անցել է շուրջօրյա աշխատանքի, ինչը թույլ կտա շաբաթական մշակել մինչև 10 մլն դիմակ:

Բժշկության և արդյունաբերության մեջ Ճառագայթային տեխնոլոգիաների բնագավառում «Ռուսատոմ» պետկորպորացիայի ստորաբաժանում «Ռուսատոմ Հելսքեայի» գլխավոր տնօրեն Ալեքսանդր Շիբանովի խոսքով, առաջիկա օրերին մանրէազերծման աշխատանքներին կմիանա նաև Լ.Կարպովի անվան Ֆիզիկա-քիմիական գիտահետազոտական ինստիտուտը, որի հենքի վրա ծրագրվում է մանրէազերծել շաբաթական մինչև 3 մլն դիմակ:

«Տվյալ աշխատանքին ներգրավված են նաև բժշկական առարկանների մանրէազերծումով զբաղվող այլ ձեռնարկություններ»,-հավելեց նա:

Տեղեկատու

«Ռոսատոմ» ատոմային էներգիայի պետական կորպորացիան ատոմային տեխնոլոգիաների ոլորտում համաշժարհային առաջնորդերից է և ընգրկում է   ատոմային էներգետիկայի արդյունաբերական շղթայի ամբողջ սպեկտրը՝ ուրանի արդյունահանումից մինչև ԱԷԿ-ը շահագործումից դուրս բերումը և միջուկային թափոնների վերամշակումը։ Ռոսատոմը զբաղեցնում է առաջին տեղը աշխարհում արտասահմանյան նախագծերի պորտֆելի մեծությամբ և երկրորդ տեղը ուրանի պաշարներով և արդյունահանման ծավալներով։ Պետկորպորացիան ապահովում է համաշխարհային շուկայի ուրանի հարստացման ծառայությունների 36% և միջուկային վառելիքի 17%:

Հայաստանում «Ռոսատոմի» առանցքային նախագիծն է Հայկական  ԱԷԿ-ի 2-րդ էներգաբլոկի շահագործման ժամկետի երկարաձգումը: Աշխատանքների արդյունքնում կայանի շահագործման նվազագույն ժամկետը կերկարացվի մինչև 2026թ

 «Ստերիոն» ԲԸ՝ սանիտարական մշակման մասնագիտացված կենտրոնի օպերատորն է: Ստեղծվել է 2016թ. «Ռոսատոմ» պետկորպորացիայի կողմից մասնավոր ներդրողի հետ համատեղ: Ծառայություններ է մատուցում բժշկական նշանակության արտադրանքի մանրէզաերծման ոլորտում:

Աղբյուր` Փաստինֆո