Փաստ ինֆո

Սա անարդյունավետ օրինագիծ է, իսկ բժշկական կրթություն ունեցողների համար նույնիսկ անհանգստացնող օրինագիծ: «Փաստինֆո»-ի հետ զրույցում այս մասին ասաց «Պարացելսուս» ՀԿ նախագահ Նունե Ներսիսյանը անդրադառնալով կորոնավիրուսից մահացած մարդկանց չդիահերձելու օրինագծին:

Նունե Ներսիսյանը նկատեց՝ ինչու են տուբերկուլյոզի, ՁԻԱՀ-ի և մյուս վարակակիր հիվանդությունների դեպքում դիակը հանձնում դիահերձման, իսկ այս դեպքում ոչ: Նրա կարծիքով այստեղ ինչ-որ միտում կա. «Հարց է առաջանում հենց կորոնավիրուսից են մահացել, թե ուղեկցող հիվանդություններից, որոնք այդ մարդիկ ունեցել են: Իմ ունեցած տեղեկություններով այդ երեք հիվանդներից երկուսը քաղցկեղով հիվանդ են եղել և վերջին ստադիան է եղել հիվանդության: Բացի այդ ինձ մոտ տարակուսանքներ են առաջանում նաև օրգանների վաճառքի հետ կապված: Աստված տա սխալվեմ, բայց փակ դագաղով տալն ինձ համար ընդունելի չէ, որովհետև վիրուսն ապրում է միայն առողջ օրգանիզմում»,-ասաց Նունե Ներսիսյանը:

Վերջինս նկատեց՝ ցանկացած վիրուսային միկրոբ ապրում է միմիայն առողջ, ապրող օրգանիզմում: Եթե չկա ապրող օրգանիզմ, ապա այդ վիրուսն էլ չի կարող ապրել: Մասնագետի խոսքով գիտության մեջ չկա ապացուցված որևէ դրույթ, որտեղ ասվում է վիրուսը կարող է ապրել մահացած օրգանիզմում. «Չկա հետազոտություն մահացած օրգանիզմում վիրուսը կարող է ապրել, թե ոչ: Գիտությունը դրա մասին դեռ չի խոսել, և դա ապացուցված չէ, բայց այն, որ վիրուսն ապրում է ապրող օրգանիզմում, ապացուցված է»,-ընդգծեց Նունե Ներսիսյանը:

Նրա կարծիքով պատահական չէր նաև օրենքն ընդունելուց առաջ Առողջապահության նախարարի ախտաբանաանատոմիական գծով խորհրդականի պաշտոնանկությունը. «Ինչու համապատասխանեց այդ պաշտոնանկությունն այս ընդունված օրենքի հետ: Իմ կարծիքով եղել են ինչ-որ հակասող կարծիքներ, անհամաձայնություններ և տարաձայնություններ, որովհետև այս վիճակում, երբ ամբողջ աշխարհը պայքարում է կորոնավիրուսի դեմ, ցանկացած բուժաշխատող մեզ համար կարևոր է»,-նշեց Նունե Ներսիսյանը:

Աղբյուր` Փաստինֆո