Փաստ ինֆո

Արար առաջին. ընդդիմությունը ձեռնպահ մնաց, իմքայլականները չկարողացան սղղացնել վտանգավոր նախագիծը

Այն, որ ընդդիմությունը ձեռնպահ քվեարկեց անձնական տվյալներին՝ հեռախոսազանգերին, հաղորդագրություններին և այլն հասանելիություն ստանալու նախագծին, ինչի արդյունքում՝ տվյալ նախագիծը չընդունվեց, ասել է՝ Ազգային ժողովը դեմ քվեարկեց «Արտակարգ դրության իրավական ռեժիմի մասին» օրենքում լրացումներ կատարելու մասին և «Էլեկտրոնային հաղորդակցության մասին» օրենքում լրացում կատարելու մասին օրենքների նախագծերի փաթեթին, շատ կարևոր փաստ էր և նույնքան կարևոր հաստատում ներ է պարունակում իր մեջ:

Առաջին կարևոր հաստատումն այն է, որ ընդդիմությունը ցանկության դեպքում կարող է միավորվել և մերժել ողջ հանրության համար անցանկալի նախագիծը՝ ի հեճուկս մեծամասնության՝ արտակարգ իրավիճակի առիթից օգտվելով այդ վտանգավոր նախագծի սղղացմանը:
Հաստատումներից մեկն էլ այն է, որ ինչպես խնդրահարույց այլ նախագծերի պարագայում է եղել, այս դեպքում էլ՝ նախագծի քվեարկությանը չմացնակցած, բացակայած իմքայլականների ցանկում շատ էին Փաշինյանի հարազատները և ընկերները՝ երբորորդուց աներձագ, Հայկական ժամանակի նախկին տնտեսական մեկնաբան ու տնօրեն, ինչն ինքնին քննարկվող առարկայի վտանգավորության ցուցիչ է: Փաստենք, որ ընդամենը իմքայլական 2 ձայն էր պակասում, որ նախագիծն անցներ:

Ընդհանուր առմամբ, իմքայլականների՝ ընդդիմությանն ուղղված մեղադրանքներն այս նախագծին դեմ քվեարկելու համատեքստում ավելի քան մերկապարանոց էին և ճոռոմաբան, էլ չասած, որ մարդու իրավունքներից, հիմնարար ազատություններից մշտապես ճառող, ինքզինքը ժողովրդավարության բաստիոն համարող իշխանական պատգամավորները մարդու իրավունքներին և հիմնարար ազատություններին դեմ քայլ էին ուզում անել:

Արար երկրորդ. իմքայլականները առանց ընդդիմադիրների նիստ հրավիրեցին և խնդրահարույց օրինագիծն անցկացրեցին
ՈՒշագրավ է, որ խնդրո առարկա օրինագիծը դեռ երեկ քննադատող իմքայլականներն այսօր կյանքի գնով ու վերին հրահանգով, ընդ որում, ընդդիմությանը ճանապարհ դնելուց հետո, միավորվեցին ու առաջին և երկրորդ քվեարկությամբ կրկնաքվեարկության արդյունքում պակասող ձայները կամ պահանջվող կամ գլխաքանակը ապահովելով, ի վերջո, կարողացան հանրությանը կորոնավիրուսից փրկելու հայրենանվեր քվեարկությունը կատարել, նախագիծն անցկացնել:

Բնականաբար, ընդդիմության բացակայությունից օգտվելով նրանց մեղադրեցին անլրջության և անպատասխանատու լինելու մեջ և ինքնագոհ քվեարկեցին հօգուտ

Հետաքրքիր է, որ 2 օր շարունակ լռող որոշ թունդ սորոսական հ/կ-ներ, ի մասնավորի՝ բաց հասարակության հիմնադրամներ-Հայաստան կազմակերպությունը, խաղաղության երկխոսություն ՀԿ-ն, հելսինկյան քաղաքացիական ասամբլեայի Վանաձորի գրասենյակը միայն այսօր երեկոյան հանդես եկան հայտարարությամբ, թե բա՝ նախագիծը գնահատում ենք որպես արտակարգ դրության պայմաններում անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքների կոպիտ խախտում և պահանջում ենք հանել այն շրջանառությունից։

Իրականում, որքան էլ ամպագոռգոռ, դեմագոգ, մեկմեկու հերթ չտալով, ցուցադրական, կուրծք ծեծող ելույթներ ունենան իմքայլականները, հստակ է, որ խնդրո առարկա օրինագիծը կորոնավիրուսի դեմ պայքարի համատեքստում անարդյունավետ է լինելու:

Իսկ որպես արդյունք՝ հետայսու կֆիքսվեն բոլոր քաղաքացիների հեռախոսազանգերը, ասել է՝ մարդու իրավունքների և ազատությունների համատեքստում լրջագույն հետընթաց ունեցանք: Ինչն արձանագրում են բոլորը: Ընդ որում՝ առավել խոցելի խմբում են փատսաբաններն ու լրագրողները՝ առաջին փաստաբանական գաղտնիքի, երկրորդը՝ լրագրողի աղբյուրի պաշտպանության համատեքստում

Հեղինակ՝ Մ.Մ.

Աղբյուր` Փաստինֆո