Փաստ ինֆո

ԱԺ «Բարգավաճ Հայաստան» խմբակցության քարտուղար Արման Աբովյանն այսօր իր ելույթը սկսեց նշելով, որ երեկ թե՛ իշխանությունը և թե՛ ընդդիմւթյունը նույն բանն էին խոսում ու համաձայն էին միմյանց հետ, իսկ այսօր իշխանությունն ասում է, թե ընդդիմությունը մանիպուլյացիա է անում։

«Փաստորեն երեկ մանիպուլյացիա չէր, այսօր արի ու տես, որ մանիպուլյացիա է, հա՞։ Ինչու՞մն է մանիպուլյացիա, նրանում, որ ասում ենք օրենքը չի աշխատի՞, այս, չի աշխատի, հաստատ չի աշխատի։ Թե՞ մանիպուլյացիան նրանում է, որ դուք երեկ մեր նույն մտքերն էիք արտահայտում, սակայն այսօր ասում եք մանիպուլյացիա է։Հիմա ո՞վ է անում մանիպուլյացիա»,-ասաց Աբովյանը։

Նա ընդգծեց՝ իշխանությունը տպավորություն է ստեղծում, թե կյանքեր է փրկում, իսկ ընդդիմությունն էլ դրան դեմ է։

«Եթե կյանքեր եք փրկում, այնպես արեք, որ 20 հոգուց ավելի մարդիկ չահավաքվեն, ինչու՞ չեք կարողանում անել իշխանությունը։ Դուրս եկեք բակերում նայեք, նստած պապիկները նարդի են խաղում, ոստիկան չկա։ Չէ, կա ոստիկան, բայց ռեսուրսը չի հերիքում ու դուք այս պայմաններում մեզ ու հանրությանն ասում եք, որ ընդդիմությունը մանիպուլյացիա է անում»,-բարկացած ասաց ԲՀԿ քարտուղարը։

Աբովյանն ասաց՝ տպավորություն է, թե իշխանությունն ասում է՝ թուլացեք ու հաճույք ստացեք․ «Չէ, չենք թուլանում 100%»։

Նա իշխանությանը հարցրեց կարո՞ղ է ինչ-որ բան կա, որ իշխանությունը գիտի, իսկ մյուսները՝ ոչ։
«Պարոն Ավինյանի հետ եք հանդիպել, ինչ-որ բան է ասել, շատ մտահոգված եք, եթե բան գիտեք եկեք ասեք ժողովուրդ ջան, սա վերջին միջոցն է»։
Աբովյանը կրկին ասաց, որ այդպես էլ չհասկացավ, թե ինչու 180 աստիճան պտույտ եղավ։ ԲՀԿ քարտուղարը խորհուրդ տվեց բացել Վիքիպեդիան ու կարդալ, թե ինչ է նշանակում օգտակար գործողության գործակից։

Աղբյուր` Փաստինֆո