Փաստ ինֆո

Մեր գնահատականներով այս պահին մենք գտնվում ենք երկրորդ փուլի վերջում ենք, մոտենում ենք երրորդ փուլին, որտեղ նախատեսում ենք ամենախիստ սահմանափակումների շրջանը: Այս մասին այսօր հրավիրված մամուլի ասուլիսի ժամանակ ասաց ՀՀ փոխվարչապետ, պարետ Տիգրան Ավինյանը:

Վերջինս նշեց, որ այս ընթացքում տեղորոշման աշխատանքների հետ զուգահեռ իրականացնելու են ազատ տեղաշարժի հնարավոր բոլոր սահմանափակումները, իրականացնելու են տնտեսական գործունեության սահմանափակումներ. «Պարտադրելու ենք անվտանգության և սանիտարահամաճարակային կանոններ այն տնտեսվարողներին, որոնք պետք է աշխատեն: Ավելացնելու ենք վերահսկողության մեխանիզմները և կիրառելու ենք տարբեր տույժեր և տուգանքներ: Հաջորդ փուլում, որը նախատեսվում է կարող է ապրիլի 14-ից հետո լինել, այդ փուլում հույս ունենք, որ այնքան արդյունավետ գործիքներ կկարողանանք զարգացնել, որոնք մեզ թույլ կտան արդյունավետ ձևով իրականացնել կանխարգելիչ աշխատանքները: Այդ գործիքներն արդեն իսկ առկա են, և մենք ընդամենը սպասում ենք օրենքի նախագծի ընդունմանը, որպեսզի կարողանանք արդյունավետ կերպով հայտնաբերել հավանական անձանց շրջանակը, ովքեր ունեցել են շփում վարակակրի հետ և բացի այդ հետևենք ինքնամեկուսացման կանոնի խստագույն պահպանմանը, որովհետև անձինք, որոնք շփում են ունեցել վարակակրի հետ, նույնիսկ եթե իրենց ինքնազգացողությունը լավ է, իրենք պոտենցիալ վարակակիր են: Մենք պետք է հետևենք այդ անձանց ինքնամեկուսացման ռեժիմի պահպանմանը»,-ասաց Տիգրան Ավինյանը:

Նա նշեց, որ կա մի հավելված, որի միջոցով ինքնամեկուսացված անձին հաղորդագրություն է գնալու: Այն պարունակելու է հղում, որին սեղմելով անձը պետք է հաստատի, որ դա ինքն է, ինչպես նաև մարդու տեղադիրքն ուղարկվելու է համակարգին: Տիգրան Ավինյանն ասաց, որ փուլ առ փուլ սահմանափակումները հանելով, հույս ունեն, որ ապրիլի կեսերից ամբողջապես վերադառնալու ենք մեր բնականոն կյանքին:

Աղբյուր` Փաստինֆո