Փաստ ինֆո

Գիշերը Տավուշի մարզում հանգիստ է եղել: «Փաստինֆո»-ն այս մասին տեղկացավ Տավուշի մարզպետ Հայկ Չոբանյանից:

«Այն է, ինչ արդեն գիտեք: Վիրավորվել է դպրոցահասակ տղա երեխա, ամեն ինչ նորմալ է, կյանքին վտանգ չի սպառնում: 15-ամյա տղան այդ ժամանակ իրենց բակում է եղել»,-նշեց մարզպետը:

Հարցին` կրակոցներից այլ վնասներ չեն պատճառվել գյուղերին, մարզպետը բացասական պատասխան տվեց:

«Փաստինֆո»-ն կապ հաստատեց նաև Պաշտպանության նախարարության մամուլի խոսնակ Շուշան Ստեփանյանի հետ` պարզելու ինչպես են հակառակորդի կրակոցից վիրավորում ստացած երկու զինծառայողները. «Նրանց վիճակը լավ է, կայուն է: Արդեն տեղափոխվել են Երևան: Անհանգստանալու խնդիր չկա»,-ասաց Շուշան Ստեփանյանը:

Ինչ վերաբերում է Ոսկեվան համայնքում հակառակորդի կրակոցից վիրավորում ստացած 15-ամյա տղային, ապա վերջինս Երևանի «Սուրբ Աստվածամայր» ԲԿ-ում է: Գիշերվա տվյալներով բժիշկները երեխայի վիճակը գնահատել են կայուն ծանր. «Երեխային տեղափոխել են վերակենդանացման բաժանմունք: Վերջինս ստացել է հրազենային վնասվածք՝ կրծքավանդակի շրջանում, իրականացվել է անհրաժեշտ առաջին բուժօգնությունը։ Նոյեմբերյանի բուժկենտրոնում կատարվել է վիրահատություն»,-այս մասին գրել էր բժշկական կենտրոնի մամուլի խոսնակ Գևորգ Դերձյանը:

«Փաստինֆո»-ի հետ զրույցում Գևորգ Դերձյանն ասաց, որ լրացուցիչ տեղեկատվություն կտրամադրի ավելի ուշ:

Հիշեցնենք, որ երեկ` մարտի 30-ին, Տավուշի մարզի Նոյեմբերյանի շրջանի հայկական դիրքերի ուղղությամբ ադրբեջանական կողմը դիվերսիոններթափանցման փորձ է արել: Հայկական դիրքապահ ուժերի գործողություններիշնորհիվ հակառակորդը հետ է շպրտվել: Հայկական կողմըկորուստներ չունի, գործողությունների հետևանքով թեթև վիրավորում է ստացել երկու զինծառայող: Միաժամանակ, հակառակորդը թիրախավորել է Բաղանիս և Ոսկևան գյուղերը, ինչի հետևանքով վիրավորում է ստացել Ոսկեվանհամայնքի բնակիչ մեկ երեխա, որը այդ պահին գտնվել է պատշգամբում:

Աղբյուր` Փաստինֆո