Փաստ ինֆո

ԱԺ-ն չընդունեց «Արտակարգ դրության իրավական ռեժիմի մասին» օրենքում լրացումներ կատարելու մասին» և «Էլեկտրոնային հաղորդակցության մասին» օրենքում լրացում կատարելու մասին» օրենքների նախագծերի փաթեթը։ Նախագիծը չընդունեց 65 կողմ, 0 դեմ, 0 ձեռնպահ ձայներով։

Քվեարկության ավարտին Լիլիթ Մակունցն արձանագրեց, որ ընդդիմությունն իր այս կեցվածքով նպաստում է, որ բուժհամակարգը պարալիզացվի։

ԼՀԿ խմբակցության ղեկավարն էլ պատասխանելով Մակունցին ասաց․ «Չեմ կարծում, թե պետք է նման հայտարարություններ անել ու իշխանության անգործությունը բարդել ընդդիմության վրա, անիմաստ օրենքներ բերել՝ սահմանափակումների մասին։ Դուք ունեք 88 մանդատ, հիմա այդ աշխատավարձ ստացողներն ու՞ր են, ինչու՞ չեն եկել, որ ձեր օրենքն ընդունվի։ Ընդդիմության ձայներո՞վ եք ուզում օրենքն ընդունել, այն էլ այն դեպքում, երբ ընդդիմությունը դեմ է։ Բա աշխատավարձ եք ստանում, ինչու՞ չեք գալիս։ Կոչ եմ անում չշահարկել որևէ քվեարկություն, ինչպես մեր հարգարժան նախագահը նախկինում ասաց՝ քֆուր չդնել օրենքի քվեարկության վրա, յուրաքանչյուրն իր դիրքորոշումն ունի»։

ԱԺ «Իմ քայլը» խմբակցության պատգամավոր Սուրեն Գրիգորյանն էլ ասաց, որ ինչ-որ առումով համաձայն է Մարուքյանի հետ․ «Իրոք, ճիշտ եք անում, որ մեզ քննադատում եք նրա համար, որ ոչ ամբողջական ու ոչ ճիշտ պատկերացում ունենք մեր որոշ գործընկերների վերաբերյալ։ Ճիշտ եք ասում»։

Աղբյուր` Փաստինֆո